विसं २०१८ मा तत्कालीन राजा महेन्द्र शाहले शिलान्यास गरेको सडक ६० वर्षपछि फराकिलो बनाउन थालिएको हो । बुटवलबाट गोरुसिङ्गेसम्म ५० किलोमिटर र गोरुसिङ्गेदेखि चन्द्रौटासम्म १९ किलोमिटर गरी दुई खण्डमा विभाजित गरी स्तरोन्नति हुनेछ ।

उपमहानिर्देशक जैसीका अनुसार बुटवलबाट गोरुसिङ्गेसम्मका लागि केही वर्षअघि एसियाली विकास बैंकको सहयोगमा डिजाइन सम्पन्न भएको थियो । सो खण्डका लागि एक महिनाभित्र बोलपत्र प्रक्रियामा जाने सडक विभागको योजना छ । अर्को गोरुसिङ्गेबाट चन्द्रौटासम्म १९ को डिजाइन गरेर तुरुन्तै काम अगाडि बढाउने योजनामा विभाग रहेको छ । यो सडक तीन वर्षभित्र काम सम्पन्न हुने गरी गरी ठेक्का लगाउने तयारी भइरहेको छ ।

यो सडक विस्तारले बढ्दो सवारीसाधनको चापलाई कम गर्ने ठूला सवारी चलाउनका पनि सहज हुने अपेक्षा गरिएको छ । पछिल्ला दिनमा राजमार्गमा सवारीसाधनको चाप वृद्धि हुन थालेपछि सडक विस्तार गर्न अनिवार्यजस्तै भएको सडक कार्यालय बुटवल प्रमुख इन्जिनियर होमबहादुर एसीले बताए ।

Vianet communication
पूर्व–पश्चिम राजमार्गअन्तर्गत बुटवल–नारायणगढ सडकखण्डको स्तरोन्नतिको काम चलिरहेको छ । चाइना स्टेट कम्पनीले विगत तीन वर्षदेखि उक्त खण्डमा सडक विस्तारको काम जारी राखेको छ । बुटवल–चन्द्रौटा सडक विस्तार भएपछि बुटवलमा पुरानो तिनाउ पुलले सवारीसाधनको चाप नथाम्ने आकलन गर्दै सो स्थानमा सिग्नेचर ब्रिज निर्माणको काम पनि अगाडि बढाइने सहसचिव जैसीले जानकारी दिए ।