बुटवल । निरन्तरको बर्षाका कारण बुटवलमा तिनाउ नदि उर्लिएको छ । हिउँदमा सुख्खा हुने तिनाउ नदि बर्षाको समयमा भने उर्लिने गर्दछ । तिनाउको वहाव उच्च भएपनि अहिले सम्म कुनै पनि भौतिक र मानविय क्षति भने गरेको छैन् । बुटवल उपमहानगरपालिकाले तिनाउमा बाढि अझै आउँन सक्ने भएकाले तटिय क्षेत्रमा सर्तक रहन आग्रह गरेको छ । तिनाउ नदिमा आएको बाढिका कारण गत बर्ष आधा दर्जन तटिय क्षेत्रका घरहरुमा क्षति पुराएको थियो ।
रुपन्देही, पाल्पा लगायत आसपासका जिल्लामा निरन्तरको वर्षासँगै तिनाउ नदीमा जलसतहले सतर्कता तह पार गर्ने चेतावनी दिइएको छ ।
असार १६
हाल #तिनाउ नदीको जलसतह खतरा तह भन्दा माथि रहेको,आज खतरा तह माथि रहने,अन्य नदीहरुको बहाव बढ्दो तथा सतर्कता तह भन्दा तलै रहने
आज #रुपन्देही,#कपिलवस्तु,#पाल्पा,#नवलपरासी(ब.सु.पू, ब.सु.प),भई बहने केही साना नदीमा आकस्मिक बाढीको पूर्वानुमान, तटिय क्षेत्रमा बिषेश सतर्कता अपनाऔँ pic.twitter.com/LQTS3qXpQD— Nepal Flood Alert! नेपाल बाढी सूचना! (@DHM_FloodEWS) July 1, 2023
तिनाउ नदीका तटीय क्षेत्र र आसपास डुबान हुनसक्ने होचा स्थानमा हुनेहरू दिउँसो ३ बजेसम्म उच्च सतर्कता अपनाउन आग्रह गरिएको छ ।
नदी तटीय क्षेत्र र यात्रामा निस्किनेहरूले सतर्कता अपनाउन आग्रह गरिएको छ।
शनिबार बिहान ८ बजे तिनाउले खतराको तह पार गरेको हो। बुटवलस्थित बाढी मापन केन्द्रका अनुसार तिनाउमा बिहान पानीको सतह ७.२२ मिटर पुगेको छ।
महाशाखाका अनुसार जलसतह ५.२ मिटरलाई सतर्कता तह मानिन्छ भने ५.६ मिटरलाई खतराको तह मानिन्छ। तिनाउ नदीको जलसतह ६.८८ मिटर पुगेपछि तटीय क्षेत्रमा उच्च सतर्कता अपनाउन महाशाखाले अनुरोध गरेको छ।
