बुटवल । समयमै बर्षा नहुँदा रुपन्देहीमा मध्य असार सम्म जम्मा ८ प्रतिशत मात्र रोपाइँ भएको छ । कृषि तथा भूमि मन्त्रालयका प्रवक्ता अनिल मरासिनीले समयमा वर्षा नभएकाले रुपन्देही सहित प्रदेशमै यस पटक कम रोपाइँ भएको बताए ।
रुपन्देहीमा ८ प्रतिशत रोपाइँ भएपनि लुम्बिनी प्रदेशमा समग्रमा ११ प्रतिशत मात्रै रोपाइँ भएको छ । रुपन्देहीमा धान उत्पादन हुने ६३ हजार ४९७ हेक्टर क्षेत्रफलमध्ये ५ हजार ८० हेक्टरमा मात्रै रोपाइँ भएको उनले बताए ।
गत बर्षको असार १५ सम्म लुम्बिनी प्रदेशमा ३२ दशमलव ७१ प्रतिशत रोपाइँ भइसकेको थियो । अहिले गत वर्षको भन्दा २१ दशमलव ६२ प्रतिशतले कम रोपाइँ भएको छ ।
