बुटवल । सहकारीको रकम उपचलन गरेको आरोपमा पक्राउ परेका आगन्तुक बचत तथा ऋण सहकारी संस्था लिमिटेडका अध्यक्ष राजु घर्ती विरुद्ध जिल्ला प्रहरी कार्यालयमा उजुरी दिनेको संख्या बढेको छ ।
घर्तीलाई जिल्ला प्रहरी कार्यालय रुपन्देहीले गत मंगलबार मात्र पक्राउ गरेको थियो । बचकर्ताको रकम अपचलन गरेको आरोपमा पक्राउ परेका घर्ती विरुद्ध जिल्ला प्रहरी कार्यालय रुपन्देहीमा अहिले उजुरी दिनेहरु दिनानु दिन गइरहेका छन् ।
मंगलबार ९२ जनाको उजुरी पछि घर्तीलाई भैरहवाबाटै प्रहरीले पक्राउ गरेको थियो । बुधबार थप १७ जनाले घर्ती विरुद्ध प्रहरीमा उजुरी छन् । हाल सम्म १०९ जना बचतकर्ताले २ करोड १२ लाख ९४ हजार ६९६ रकम फिर्ता दिनुपर्ने भन्दै प्रहरीमा उजुरी गरेको बताइएको छ । भैरहवाका ९२ जना बचतकर्ताको ५४ लाख र बुटवलका १७ जना बचतकर्ताको मात्रै १ करोड ५८ लाख ९४ हजार ९६९ रुपैयाँ गरी २ करोड १२ लाख ९४ हजार ६९६ रुपैयाँ फिर्ताको माग गर्दै उजुरी आएको जिल्ला प्रहरी कार्यालय रुपन्देहीले जनाएको छ ।
प्रहरीले घर्तीलाई सुरुमा सोधपुजका लागि बोलाएको थियो । तर घर्तीले इन्कारी गरेपछि घर्तीकै साथी मार्फत उनलाई प्रहरीले पक्राउ गर्न सफल भएको थियो ।
सहकारीका अध्यक्ष घर्ती सहितले कुल सहकारीको १५ करोड बढि रकम अपचलन गरेको आंकलन छ ।
अध्यक्ष घर्तीले सहकारी समस्याग्रस्तमै रहेको अवस्थामा ९ वटा सहकारी एकै पटक मर्ज गर्ने योजना समेत अगाडि बढाएका थिए । तर पछि सहकारी मर्ज भने भएन् ।
बुटवल अमरपथमा रहेको सहकारी पछिल्लो ८ महिना देखि बन्द छ ।