लुम्बिनी प्रदेशले बयलगाडा यात्रा सञ्चालन गर्न बजेट छुट्याएको छ।
‘बुल र बफेलो ड्राइभ’ कार्यक्रमअन्तर्गत लुम्बिनी प्रदेशले मौलिकता झल्काउने गरी बुल ड्राइभ, बफेलो ड्राइभ, बयलगाडा यात्रा र पहाडी घोडा यात्राको लागि बजेट विनियोजन गरेको हो। शुक्रबार बजेट विनियोजन गर्दै लुम्बिनीका प्रदेशका आर्थिक मामिला मन्त्री धनबहादुर मास्कीले उक्त कार्यक्रमका लागि बजेट विनियोजन गरिएको बताए।
संघीय सरकारसंग समन्वय गरी लुम्बिनी क्षेत्रमा वृहत बुद्ध सर्किक बनाइने पनि जानकारी उनले दिए।
यसैगरी प्रदेश सरकारले नोबेल पुरस्कार विजेतालाई लुम्बिनीका धार्मिक र पर्यटकीय स्थानको भ्रमण गराउने भएको छ। यसका लागि ६ करोड बजेट विनियोजन गरिएको उनले बताए।
