बुटवल । तिलोत्तमा नगरपालिकाको आयोजनामा उपप्रमुखसंग महिला कार्यक्रम अन्तर्गत ३ महिने ३९० घण्टा (६५ कार्य दिन) फेशन डिजाइनर तालिमको समापन भयो । तालिम व्यवस्थापक दुई फरक–फरक संस्था भएपनि बजेट तिलोत्तमा नगरपालिकाको थियो । त्यसैले बजेट बचाउने जुक्ती तालिमको व्यवस्थापन लगायो । अनि दुई व्यानरमा एक समापन कार्यक्रम तिलोत्तमामा भयो ।
फेसन डिजाईन तालिम दिने एउटा संस्था आधार ट्रेनिङ्ग सेन्टर सिद्धार्थनगर–६ रुपन्देही हो । अर्को सिद्धार्थनगर–८ को ए फोर ट्रेनिङ्ग सेन्टर हो । यी दुवै संस्थाले फेसन डिजाईनको तालिम दिएका हुन ।
सोही तालिमको समापन तिलोत्तमा नगरपालिकाकी उपप्रमुख जागेश्वरीदेवी चौधरीले गरिन । सो अवसरमा उनले सिपले आत्मनिर्भर मात्रै नभई हिँसा हुनबाट पनि बचाउने बताईन ।
साथै उनले नारीहरुको ससक्तिकरण र समाज बिकासको लागि आत्मनिर्भरतामा जोड दिईन ।
तिलोत्तमा नगरपालिकामा स्थायी बसोबास गर्ने महिला तथा किशोरीहरुका लागि सो फेशन डिजाइनर तालिम दिइएको थियो ।
