शान्ति, विकास र समृद्धिका लागि युवा सहभागिता सुनिश्चित गरी युवामैत्री शासन प्रवद्र्धनका लागि सरकारका सबै तह र सरोकारवालासंग सहकार्य, साझेदारी र योगदान गर्न प्रतिबद्ध रहेको घोषणापत्रमा उल्लेख गरेको लुम्बिनी प्रदेश स्तरीय किशोरकिशोरी तथा युवा संजालका अध्यक्ष आरीफ अली खानले जानकारी दिए । ‘स्थानीय तहको योजना निर्माण पक्रियामा किशोरकिशोरी तथा युवाको अर्थपूर्ण सहभागिता गराउन माग गरेका छौं,’ उनले भने, ‘युवाको अधिकार स्थानीय तहहरुबाट नै सुनिश्चितता सुरु गर्नका लागि माग गरिनेछ ।’

सम्मेलनले जारी गरेको घोषणापत्र तथा माग लुम्बिनी प्रदेशका मुख्यमन्त्री डिल्लीबहादुर चौधरी लगायत स्थानीय तहका जनप्रतिनिधिलाई बुझाइने उनले बताए । सम्मेलनले लुम्बिनी प्रदेश स्तरीय किशोरकिशोरी तथा युवा संजालको अध्यक्षमा पुनः आरीफ अली खानलाई चयन गरेको छ । जसको उपाध्यक्षमा पूर्णिामा भारती र गुन्जा थारु, सचीवमा सुजित मिश्रा, सहसचिव मामिरा सामट, कोषाध्यक्षमा स्मृति चौधरी चयन भएका छन् ।

युवा सशक्तिकरण र नेतृत्व बिकासका लागि सम्मेलन फलदायी बनेको उल्लेख गर्दै कर्णाली एकीकृत ग्रामीण बिकास तथा अनुसन्धान केन्द्र (किर्डाक) का कार्यक्रम निर्देशक गौतमराज अधिकारीले आगामी दिनमा यसलाई निरन्तरता दिइने बताए । सम्मेलन आयोजनाका लागि लुम्बिनी प्रदेश युवा परिषद, स्ट्रोम फाउण्डेशन, कर्णाली एकीकृत ग्रामीण बिकास तथा अनुसन्धान केन्द्र (किर्डाक) नेपाल कपिलवस्तु, सुनगाभा सामुदायिक विकास केन्द्र रुपन्देही, सिद्धार्थ सामाजिक बिकास केन्द्र कपलिवस्तु, एवीसी नेपाल पश्चिम नवलपरासी, कालिका बिकास केन्द्र नेपाल, प्युठान, मानव कल्याण तथा वातावरण संरक्ष्ँण केन्द्र दाङ, मानव अधिकार सचेतना केन्द्र रोल्पा र सहयोगी हातहरुको समुह रोल्पाले सहयोग गरेका थिए ।