लुम्बिनी प्रदेशका मुख्यमन्त्री डिल्लीबहादुर चौधरीले मुख्यन्यायाधिवक्तामा डा. बुद्धबहादुर थापा क्षेत्रीलाई नियुक्त गरेका छन् ।
बुटवल उपमहानगरपालिका वडा नं ९ निवासी डा. थापा वरिष्ठ अधिवक्ता हुन् । नेपाल प्राध्यापक संघको केन्द्रीय अध्यक्ष बनिसकेका थापाले लामो समय बुटवल बहुमुखी क्याम्पसमा राजनीति शास्त्र अध्यापन गरेका थिए ।
कानूनमा स्नातक, राजनीतिशास्त्रमा पिएचडी गरेका थापाले रेसुंगा बहुमुखी क्याम्पस गुल्मीबाट अध्यापन सेवा सुरु गरेका हुन् ।
गुल्मीको मुसिकोट नगरपालिकाको पौदीअमराईबाट बुटवल ९ मा बसाई सरेका थापा अहिले कांग्रेसको क्षेत्रीय प्रतिनिधि हुन् ।
पार्टी संस्थापन समूहमा रहेका थापालाई संस्थापन समूहबाटै मुख्यमन्त्री बनेका मुख्यमन्त्री चौधरीले अवसर दिएका हुन् ।
थापालाई आजै शपथ ग्रहण गराउने कार्यक्रम छ ।
