बुटवल । भिरबाट खसेको ढुंगाले लाग्दा अर्घाखाँचीमा एक महिलाको मृत्यु भएको छ । सुपादेउराली मन्दिर नजिक भिरबाट खसेको ढुङ्गाले लाग्दा सन्धिखर्क ७ बागमारा कि कल्पना थापाको मृत्यु भएको अर्घाखाँची जिल्ला प्रहरी कार्यालयले जनाएको छ । सुपादेउरालीमा पसल गर्दै आएकी उनी आज दिउँसो पसल बाहिर बसेको अवस्थामा माथीबाट ढुंगा खस्दा घटनास्थलमै मृत्यु भएको प्रहरीको भनाई छ ।
सुपादेउराली मन्दिर नजिकै व्यवसाय गरेर बस्ने ३ जना महिलाहरु एकै ठाउँ बसेर गफगाफ गर्दै गरेको र सोहि समयमा माथि बाट ढुङ्गो एक्कासि खसेको देखेपछि २ जना महिला भागेर सकुशल बच्न सफल प्रत्यक्षदर्शिको भनाई रहेको छ।
