बुटवल । बुटवल उपमहानगरपालिका परिसर भित्र चमेना गृह सञ्चालनमा आएको छ । बुटवल उपमहानगरपालिकाले आव्हान गरेको बोलपत्र अनुसार रिवाज चमेना गृह सञ्चालनमा आएको हो ।
चमेना गृहको एक कार्यक्रमका बीच बुटवल उपमहानगरपालिकाका प्रमुख खेलराज पाण्डेयले उद्घाटन गरे । सो अवसरमा बोल्दै उनले प्रतिस्पर्धा बाट चमेना गृह सञ्चालनमा आएको भन्दै चमेना गृहले दिन सेवा र सुविधामा कुनै पनि कमी हुन नहुने बताए । उनले आम उपभोत्ताको स्वास्थ्यलाई मध्यनजर राखेर खाना र खाजामा गुणस्तर कायम गर्न सुझाव दिए ।
यस अघि नै उपमहानगरपालिका परिसर भित्र व्यवसायी रामहरी पोखरेलले चमेना गृह सञ्चालन गर्दै आएको थिए । बोलपत्र आव्हान पछि पनि उनै पोखरेलले चमेना गृह सञ्चालन गरेका हुन । उपमहानगरपालिकाले गरेको गोप्य बोलपत्र अनुसार रामहरी पोखरेलले प्रति महिना ४३ हजार ९०० रुपैयाँमा टेण्डर प्राप्त गरेका हुन । चमेना गृहको सम्झौता ५ बर्षको छ ।
चमेना गृह सञ्चालक रामहरी पोखरेलले ग्राहकहरुलाई सस्तो मुल्यमा गुणस्तरिय र स्तरिय खाजा खाना खुवाउने प्रतिबद्धता व्यक्त गरे ।
उनले नेपाली कल्चरको खाना आफुहरुले उपमहानगरपालिकाले दिएकै दररेटमा ग्राहकहरुलाई दिने बताए ।
सञ्चालक रश्मी पोखरेलले आम ग्राहकको स्वास्थ्यलाई ध्यानमा राखेर गुणस्तरिय खाजा खान प्रदान गर्नु आफुहरुको पहिलो काम भएको बताईन ।
उपमहानगरपालिकाले दिएको दररेट अनुसार रिवाज चमेना गृहमा निम्न खाजा खान पाईन्छ ।
