बुटवल । रुपन्देहीको तिलोत्तमामा जारी नवौं मणिमुकुन्द राष्ट्रिय भलिवल प्रतियोगिताको फाईनल खेल आज हुँदैछ ।
दिउँसो १ बजे हुने फाईनल खेलमा गण्डकी प्रदेश र आर्मी उपाधिका लागि भिड्दै छन् । त्यस अघि विहान ११ बजे तेस्रो स्थानको खेल हुनेछ । तेस्रो स्थानका लागि विभागिय टिम नेपाल पुलिस क्लव र सशस्त्र प्रहरी बल (एपिएफ) बीच हुनेछ ।
मणिमुकुन्द भलिबल क्लब, रुपन्देहीको आयोजना नेपाल भलिबल संघको संयोजनमा जारी प्रतियोगितालाई प्रदेश खेलकुद परिषद, लुम्बिनीले मुख्य प्रायोजन गरेको छ।
प्रतियोगिताको विजेताले २ लाख , दोस्रोले र १ लाख ५०, तेस्रोले १ लाख र चौथो टोलीले ५० हजार रुपैयाँ प्राप्त गर्नेछन्। सर्वोत्कृष्ट खेलाडीले १० हजार र विधागत उत्कृष्ट खेलाडी र प्रशिक्षकले जनही ५ हजार रुपैयाँ प्राप्त गर्नेछन्।
