पाल्पाको तिनाउ गाउँपालिका ६ चिदिसमा जिप दुर्घटना हुँदा ८ जना यात्रुकोे घटनास्थामै मृत्यु भएको छ । पाल्पाको डुम्रे बजारबाट शिखर डाँडा जाँदै गरेको लु १ ज २३७१ नंम्बरको यात्रु बाहक जिप डुम्रे चक्लादी भित्र सडक खण्डको चिदिस भन्ने ठाउँमा दुर्घटना भएको हो । जिल्ला प्रहरी कार्यालय पाल्पाका प्रमुख हेरम्ब शर्माा अनुसार अहिले घाइते उद्धार चलिरहेको बताए । जिप भिराले उकालो सडकमा दुर्घटना भएका कारण उद्धारमा कठिनाई हुनुका साथै अझै केही शव हराई रहेकोले मृत्कको संख्या अझै बढ्न सक्ने बताए ।
जिप कति यात्रु सवार थिए त्यो भने खुल्न सकेको छैन । १२ जना घाइतेलाई उपचारको लागि लुम्बिनी मेडिकल कलेज प्रभास पठाईएको छ । घटनास्थलमा स्थानिय बासिन्दा, प्रभास प्रहरी र ट्राफिक प्रहरीले उद्धार कार्य जारी राखेका छन । उद्धारको लागि पाल्पा स्थित नेपाली सेनाको दि फेमस दल गण र सशस्त्रको टोली घटनास्थलमा परिचलान भई सकेका छन ।
