सिद्धार्थ प्रतिभा हाइस्कुलको बसले ठक्कर दिदाँ रुपन्देहीमा २ जनाको मृत्यु

तिनाउ न्युज

प्रकाशित मिति : शनिबार, मंसिर १६, २०८०

स्कुल बसको ठक्करबाट रुपन्देहीको लुम्बिनी सांस्कृतिक नगरपालिकामा शनिबार २ जनाको मृत्यु भएको छ । जिल्ला प्रहरी कार्यालयका प्रवक्ता एवं प्रहरी नायव उपरीक्षक मनोहर भट्टका अनुसार लुम्बिनीदेखि कालीदह जाने क्रममा लु१क १७७८ नम्बरको बसले लु३७प ८४८२ नम्बरको मोटरसाइकललाई पछाडिबाट ठक्कर दिएको थियो ।

बसको ठक्करबाट मोटरसाइकलमा सवार २१ वर्षीय मोहम्मद इसाद र २१ वर्षीया रुक्सना खातुनको मृत्यु भएको डिएसपी भट्टले बताए । घटनामा २० वर्षीया अप्सरा खातुन घाइते भएकी छन् । उनको भैरहवामा उपचार भइरहेको छ ।

सूर्यपूरास्थित सिद्धार्थ प्रतिभा हाइस्कुलको बसमा ५/६ जना अन्य व्यक्तिलाई राखेर लुम्बिनी तर्फ जाने क्रममा घटना भएको थियो । घटनापछि चालक फरार भएको र उनको खोजी कार्य जारी रहेको प्रहरीले जनाएको छ । मोटरसाइकलाई ठक्कर दिएको बसलाई घटनापछि स्थानीयले आगजनी गरेका छन् ।