बुटवल । बुटवल देविनगर स्थित लुम्बिनी बाणिज्य क्याम्पसले एकपछि अर्को गर्दै सफलता प्राप्त गरेको छ । शैक्षिक क्षेत्रमा अव्वल मानिएको क्याम्पसले पछिल्ला दिनहरुमा त्रिभुवन विश्वविद्यालयले ल्याउने परीक्षामा सर्वोउत्तृष्ट अंक ल्याउन सफल भएको छ ।
व्यवस्थापन संकायमा विशिष्टकृत विश्वविद्यालय अनुदान आयोगबाट गुणस्तर प्रमाणित समेत भएको क्याम्पसले हालै सार्वजनिक भएको त्रिभुवन विश्वविद्यालय व्यवस्थापन संकाय अन्तर्गत वि.वि.एम सातौ सेमेष्टरमा त्रिभुवन विश्वविद्यालय तेस्रो भएको छ ।
क्याम्पसका क्याम्पस प्रमुख प्रा. डा. ताराप्रसाद उपाध्यायले वि.वि.एम सातौ सेमेष्टरको परीक्षामा सहभागि भएका ७५ विद्यार्थीहरु मध्ये त्रिभुवन विश्वविद्यालय तेस्रो स्थान हासिल गर्दै ४६ जना विद्यार्थीहरु विशिष्ट श्रेणीसहित सत प्रतिशत विद्यार्थीहरु उत्र्तिण भएको बताए ।
विद्यार्थी सिमल श्रेष्ठले ३ दशमलव ९७ ग्रेड ल्याउँदै त्रिभुवन विश्वविद्यालय तेस्रो स्थान हासिल गरेकी हुन । त्यस्तै रितु चौहानको ३ दशमलव ९५ र कविता बेल्बासेको ३ दशमलव ९६ ग्रेड आएको क्याम्पस प्रमुख उपाध्यायले बताए ।
त्यस्तै वि.वि.एस दोस्रो बर्षको बार्षिक परीक्षामा आयुष्मा रेश्मी मगर त्रिभुवन विश्वविद्यालयमा प्रथम भएकी छन् । उनले ८४ दशमलव ४० प्रतिशत ल्याउँदै प्रथम भएको उनले बताए ।
