बुटवल । रुपन्देहीका तीन वटा शिक्षण संस्थाले बस उपहार स्वरुप प्राप्त गरेका छन् ।
भारतीय राजदूतावास काठमाडौँले नेपालका विभिन्न जिल्लाका स्वास्थ्य र शिक्षाको क्षेत्रमा काम गर्ने विभिन्न संघ संस्थालाई ३४ वटा एम्बुलेन्स र ५० वटा स्कुल बस उपहार स्वरूप दिएको छ। त्यस मध्ये ३ वटा बस रुपन्देहीका शिक्षण संस्थाले पाएका हुन ।
देवदहको देवदह माध्यमिक विद्यालय, बुटवलको लुम्बिनी वाणिज्य क्याम्पस र सैनामैनाको पर्रोहा बहुमुखी क्याम्पस क्याम्पसले बस पाएका हुन् ।
देवदह माध्यमिक विद्यालयलले एमाले संसाद छविलाल विश्वकर्मा र विद्यालय व्यवस्थापन समितिका अध्यक्ष सुरज खरेलको पहलमा भारतीय दुतावासको पूर्ण सहयोगमा विद्यालयका लागि बस प्राप्त गरेको हो ।
काठमाडौं बाट ल्याएपछि त्यी बसहरुलाई आधिकारिक रुपमा विद्यालयमा विशेष कार्यक्रम गरी सञ्चालन गरिने विद्यालयका अध्यक्ष सुरज खरेलले बताए ।
