वूमन लिडरसिप तथा टेक्नोलोजी काठमाण्डौको आयोजनामा रुपन्देहीका आईटी(सूचना प्राविधि क्षेत्र)मा अध्ययन गर्ने विद्यार्थीहरुका लागि लागि नेतृत्व विकास, क्षमता अभिबृद्धि तथा नयाँ आविस्कार वा योजना सम्बन्धी ९ दिने अभिमुखिकरण कार्यशाला गरेको छ । मणिग्राममा आयोजना गरेको कार्यशाला(बुट क्याम्प)मा रुपन्देहीका विभिन्न ७ वटा कलेजमा सूचना प्राविधि(आईटी)मा अध्यायनरत १५ जना छात्राहरुको सहभागीता रहेको थियो । संस्थाका फाउन्डर न्हसला जोशीका अनुसार ९ दिन सम्मको लिटरसिप, नेतृत्व विकास, क्षमता अभिबृद्धि तथा उत्प्रेणा कार्याशालामा सहभागी छात्राहरुले आफै नै केही नयाँ योजना निर्माण सहित समाजलाई केही योगदान दिन सक्ने गरी तयार हुने छ । नौ महिना सम्म चल्ने यो अभियानमा प्रत्येक महिनामा थप तालिम तथा उत्प्रणात्मक कार्यक्रम गरिने छ ।
बुटवल , पोखरा र काठमाण्डौ गरी ३ स्थानबाट छनौट भएका १० जना आईटी अध्यायरत विद्यार्थीहरुको लागि विशेष स्कलरसीपको समेत व्यववस्था गरिएको फाउन्डर जोशीले जानकारी दिईन । नेदरल्याण्डको एक संस्थाको सहयोगमा चलिरहेको कार्यक्रममा स्थानीय स्तरमा पनि यस्तो प्रकृतिको कार्यक्रम गर्ने संस्था वा निकायको समेत खोजी गरिएको र जसबाट पनि काक गर्न सकिने उनले बताईन ।
कार्यशालामा सहभागी विद्यार्थीहरुले आफ्नो नेतृत्व विकासका लागि के कसरी सहकार्य, सह अस्त्वि र क्षमता प्रर्दशन गर्दै के कसरी अन्य व्याक्ति भन्दा नेतृत्वदायि क्षेत्रमा आफ्नो प्रस्तुती दिन सक्ने छन् भन्ने विषयमा कार्यपत्र सहित सामुहिक छलफल र प्रस्तुतीकरण भएको थियो ।