यसैगरी, विद्यालयबाट यो वर्ष १५ जनाले एमबिबिएसमा छात्रवृति पाएका छन् । गतवर्ष १३ जनाले नाम निकालेका थिए । कालिका देशभरमै सरकारी स्कुलबाट छात्रवृतिमा नाम निकाल्ने विद्यालय हो । यसैगरी ईन्जिनियरिङतर्फ गतवर्ष ३९ जनासहित बिईमा एक सय जना बढीले नाम निकाले ।

कालिका मानव ज्ञान मावि नर्सरीदेखि १२ कक्षासम्म दुई सेक्टरमा गरी ७ हजार ६ सय ३९ विद्यार्थीहरु अध्ययरत छन् ।

यहाँ कक्षा ११ र १२ मा विज्ञान, शिक्षा, मानविकी, व्यवस्थापन संकायमा पठनपाठन हुन्छ । त्यसैगरी प्राविधिकतर्फ कम्प्युटर पढाई हुन्छ । मानविकीतर्फ आमसञ्चार विषय पढाई हुँदै आएको छ । यो वर्ष व्यवस्थापनतर्फ एउटा सेक्सन टुर्स एण्ड ट्राभल्स विषय पठनपाठन हुने प्राचार्य थापाले बताए ।

त्यसैगरी,बुटवलको कालिका मानवज्ञान मावि देशमै असल अभ्यासहरुको संकलन, प्रकाशन र प्रबोधिकरण कार्यक्रम गर्ने विद्यालयमा प्रथम स्थान हासिल गरेको छ । शिक्षा, बिज्ञान तथा प्रविधि मन्त्रालय अन्तर्गत शिक्षा तथा मानव श्रोत विकास केन्द्रले विद्यालयलाई प्रबोधिकरण कार्यक्रममा उत्कृष्ट भएको सार्वजनिक गरेको हो ।

प्राचार्य थापाले विद्यालय असल अभ्यासहरुको संकलन, प्रकाशन र प्रवोधिकरण कार्यक्रम केन्द्रको निर्णय अनुसार विद्यालय उत्कृष्ट कार्य गरेको मध्येबाट प्रथम स्थान हासिल गर्न सफल भएको बताए । देशभरका सामुदायिक विद्यालयहरुमध्येबाट ४ सय २२ नमुना विद्यालयबिचमा कालिका प्रथम भएको हो ।

रुपन्देहीमा नमुना विद्यालय ८ वटा छन् ।विद्यालय आसपासका आठ वटा सामुदायिक विद्यालयका व्यवस्थापन समितिका अध्यक्ष वा प्रतिनिधिमध्ये एक र विद्यालयका प्रधानाध्यापकलाई तालिम गराउने जिम्मेवारी दिईएको छ । सोही जिम्मेवारी अनुसार शुक्रवार विद्यालयमा तालिम कार्यक्रम भएको छ ।