अनुशासन समितिले आज महामन्त्री खनालमाथि कारबाही गरेको पत्र लुम्बिनी कांग्रेस कार्यसमितिमा पठाएको छ।

२०७९ मंसिरमा भएको प्रदेश सभा र प्रतिनिधि सभा निर्वाचनमा महामन्त्री खनालले पार्टीका आधिकारिक उम्मेदवारहरूलाई असहयोग गरेको आरोपमा अनुशासन समितिमा उजुरी परेको थियो।

नवलपरासीमा कांग्रेसका उम्मेदवारहरू विनोद चौधरी र देवेन्द्रराज कँडेल थिए। चुनावमा उनीहरूमाथि असहयोग गरेको आरोप खनालमाथि लागेको थियो।

अनुशासन समितिले महामन्त्री खनालमाथि स्पष्टीकरण पनि सोधेको थियो। खनालले दिएको स्पष्टीकरण चित्तबुझ्दो नरहेको भन्दै अनुशासन समितिले एक वर्षका लागि पार्टी सदस्यताबाट नै निस्कासन गर्ने निर्णय गरेको छ।

खनाल कांग्रेस संस्थापनइतर समूहका हुन्।