बुटवल । गोगीकुटीमा रहेको आरोमा हस्पिटालिटीको आयोजानमा उक्त संस्थामा ६ महिनाको कोर्ष पुरा गरेका विद्यार्थीहरुलाई दिक्षीत गरिएको छ । साझोदी संस्थाको रुपमा रहेको आरक भेन्चर्स प्रालि नेपाल ले युके मा रहेको सिटी एण्ड गिल्र्डस् बाट सम्बन्ध प्राप्त गरी डिप्लोमा लेभलको कुलीनरी आर्टस्को कक्षा सञ्चालन गर्दै आएको छ ।
दक्षित भएका सबै जना विद्यार्थीहरु अहिले नेपालमा स्टार होटलमा जागिर समेत प्राप्त गरिसकेको अध्यक्ष रुपेश बस्यालले जानकारी दिए । उनका अनुसार विद्यार्थीहरुले प्राप्त गरेको प्रमाणत्रको मान्यता नेपाल सहित विश्वका ८० भन्दा बढि देशमा हुने गरेको छ । डिप्लोमा लेभल टुको कोष पुरा गरेका विद्यार्थीहरुलाई मणिग्रममा एक कार्यक्रम आयोजना गरी प्रमाण पत्र वितरण गरिएको हो ।
कार्यक्रममा सिटी एण्ड गिल्ड्स का साउथ एशीया प्रतिनिधी जयन्त चौहानले विश्वको कुनै पनि स्थानमा यो कोर्ष पुरा गरेका विद्यार्थीहरुलाई १०० प्रतिशत रोजगारीको ग्यारेन्टी भएको बताएका थिए । उनले विद्यार्थीहरुलाई बधाई तथा शुभकामना दिदै आगामी यात्राको सफलताको कामना समेत व्यक्त गरेका थिए । कार्यक्रममा आरके भेन्चर्सका सिईयो रिशेष केसी, आरोमा हस्पीटालिटीका डाईरेक्टर छवि पाण्डे, अभिभावक दुर्गा थापा, आवेश पौडेल, विकास गौतम लगायतले आ आफ्नो भनाई राखेका थिए ।
६ महिनाको कोर्ष पुरा गरेका बिद्यार्थीहरुले नेपालका स्टार लेभलको होटलमा काम पाउने संभावना सत प्रतिशत नै रहेको हुन्छ । एउटा कोर्षको ३ लाख ५० हजार रुपैयाँ खर्च रहेको छ । जसमा विद्यार्थीहरुले कोर्ष पुरा गरेपछि ईन्टन्सीपको समेत व्यवस्था हुने गरेको छ ।
