योगिकुटीमा डेढ करोडको लागतमा गणपती मिष्ठान्नको सातौं शाखा खुल्यो देवदह नगरपालिकामा तालाबन्दी – ‘मेयर र अधिकृतको काम गर्ने शैलीबाट आत्तिएर आक्रमण’ लुम्बिनी अस्पताललाई पश्चिम क्षेत्रकै विशिष्टकृत अस्पतालको रुपमा बिकास गछौं- मन्त्री खनाल बुटवलको पशु बधशाला सञ्चालनको तयारी आजको मौसम: यी प्रदेशमा वर्षा र हिमपातको सम्भावना को हुन् ? प्रहरीको हतियार खोस्न खोज्ने देवदहका जनप्रतिनिधी ! (फोटो फिचर) मगर दिवस : भाेलि बुटवल उपमहानगरमा स्थानीय बिदा मगर दिवस : फागुन १५ गते तिलोत्तमामा स्थानीय बिदा नवनियुक्त याेजना प्रमुखलाई लुम्बिनीमा स्वागत प्रहरीले बोकेको टियर ग्याँसको हतियार कांग्रेस र राप्रपाका जनप्रतिनिधिले खोस्ने प्रयास गरेपछि देबदह नगरपालिकामा तनाव                
समाचार :

रामप्रसाद आचार्यलाई उत्कृष्ट औद्योगिक पत्रकारिता पुरस्कार

रुपन्देही उद्योग संघले प्रदान गर्ने उत्कृष्ट औद्योगिक पत्रकारिता पुरस्कार २०७९ बाट पत्रकार रामप्रसाद आचार्य पुरस्कृत भएका छन् । नेपाल पत्रकार महासंघ रुपन्देहीको समन्वयमा संघले स्थापना गरेको ४६ हजार १५५ रुपैयाँ राशीको पुरस्कारसहित आचार्यलाई पूर्वमन्त्री तथा सांसद भोजप्रसाद श्रेष्ठले सम्मान गरेका छन् ।

आचार्य साढे दुई दशकदेखि रुपन्देहीमा रहेर पत्रकारितामा क्रियाशील छन् । संघले शुक्रबार आफ्नो ४६ औं स्थापना तथा औद्योगिक दिवसको अवसरमा पत्रकारिता पुरस्कारसहित छात्रवृत्ति प्रदान, अग्रज उद्यमी, विभिन्न क्षेत्रका उद्योगी–व्यवसायीहरुलाई सम्मान गरेको छ ।

कार्यक्रममा अग्रज उद्यमीको रुपमा पूर्णप्रसाद सापकोटा, चन्द्रमान श्रेष्ठ र तिलप्रसाद भट्टराई, उत्कृष्ट रोजगारदाता उद्योगीको रुपमा डुंगारी गार्मेन्ट उद्योगका यज्ञेश्वर थैव, उत्कृष्ट महिला उद्यमीको रुपमा दिलु् शाही, उत्कृष्ट युवा उद्यमीको रुपमा उपेन्द्र अग्रवाल, उत्कृष्ट कृषि उद्योगीको रुपमा माउन्ट रोजिन एण्ड टर्पेन्टाइन इन्डष्ट्रिजका वसन्त रोका क्षेत्री, जिल्लाभरीका उद्योगहरुमध्ये उत्कृष्ट उद्योगको रुपमा यशोदा फुड्स प्रालिका चुन्नुप्रसाद पौडेल र उत्कृष्ट पर्यटन उद्योगको रुपमा होटल न्यू इरा बुटवलका सञ्चालक माधव नेपाललाई सम्मान गरिएको छ ।

त्यस्तै सदस्य उद्योगीका छोराछोरी कान्ति माविमा अध्ययनरत विद्यार्थी मधुसुधन मल्ल र जनज्योती माविमा कक्षा ९ मा अध्ययनरत तुलसा गाहालाई १० हजार १५५ नगद र स्टेशनरी तथा झोला छात्रवृत्ति स्वरुप प्रदान गरिएको थियो ।

त्यसैगरी संघले स्थापना दिवसको अवसरमा मंसिर १३ गते मानव सेवा आश्रममा स्वास्थ्य परीक्षणसहित खाना खुवाउने कार्यक्रम, मंसिर १४ गते रुपन्देहीमा रहेका संघसंस्थाबीच मैत्रीपूर्ण व्याडमिन्टन प्रतियोगिता र मंसिर १५ गते बिहान रक्तदान कार्यक्रम आयोजना गरी ६० युनिट रगत संकलन गरी रक्त सञ्चार सेवा केन्द्रमार्फत मानवीय सेवामा समर्पित गरेको छ । स्थापना दिवस समारोहमा ब्याडबिन्टनमा उत्कृष्ट टिमलाई पुरस्कार तथा प्रमाणपत्र प्रदान गरिएको थियो ।

कार्यक्रमका अवसरमा बोल्दै लुम्बिनी प्रदेशसभा सदस्य एवं पुर्वमन्त्री भोजप्रसाद श्रेष्ठले उद्योगी व्यवसायीहरुको हकहितको पक्षमा उद्योग संघले खेलेको नेतृत्वदायी भूमिका खेलेको भन्दै प्रशंसा गरे । उनले राज्यको औद्योगिक र भन्सार नीति गलत हुँदा उद्योगी व्यवसायीले समस्या भोग्नु परिरहेको बताए ।

उद्योगी व्यवसायीका मुद्दामा राज्य गम्भीर हुनुपर्ने र आफूले पनि यसका लागि सकारात्मक पहल गर्ने भन्दै श्रेष्ठले यस क्षेत्रको विकासका लागि सबै राजनीतिक दल, उद्योगी व्यवसायी लगायत सबै क्षेत्र एक ठाउँमा उभिनुपर्ने बताए ।

कार्यक्रममा संघका पुर्व अध्यक्ष डम्बरदेव अर्यालले दलहरुको गलत नीतिका कारण अहिलेको व्यवस्थामाथि प्रश्न उठेको र मुलुक झन् झन आर्थिक रुपमा ओरालो लाग्दै गएको भन्दै यसका लागि उद्योगी व्यवसायीहरु चनाखो हुनुपर्ने बताए ।

संघका अध्यक्ष दिलिप सापकोटाको अध्यक्षतामा भएको कार्यक्रममा पर्यटन व्यवसायी माधव नेपाल, उत्कृष्ट औद्योगिक पत्रकारिता पुरस्कारबाट सम्मानित पत्रकार रामप्रसाद आचार्य, नेपाल पत्रकार महासंघ रुपन्देहीका अध्यक्ष रामराज पोख्रेल, बुटवल–४ का वडाअध्यक्ष नरिश्वर पौडेल, संघका निवर्तमान अध्यक्ष माधवप्रसाद पौडेल, अग्रज उद्यमी पूर्णप्रसाद सापकोटा, पचिम नेपाल बस व्यवसायी प्रालिका अध्यक्ष दधिराम खरेल, संघका वरिष्ठ उपाध्यक्ष कृष्णप्रसाद पराजुली, महासचिव हिरामणी भट्टराईलगायतले औद्योगिक क्षेत्रका समस्याका विषयमा धारणा राखेका थिए ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार