बुटवल । लियो क्लब अफ बुटवल मेट्रोसिटिले आयोजना गरेको इन्टर लियो टग अफ वार कम्पिटिसन कार्यक्रम सम्पन्न भएको छ। लियो क्लब अफ बुटवल मेट्रोसिटिका बर्ष २०२३÷२४ का अध्यक्ष सन्जिब सुनारको अध्यक्षता रहेको कार्यक्रममा बुटवल उपमहानगरपालिका वडा नं ११ का वडाध्यक्ष रामचन्द्र खनाल क्षेत्रीको प्रमुख आतिथ्यतामा कार्यक्रम भएको हो ।
लियो डिस्ट्रीक अन्तरगतका विभिन्न क्लबका १० टिमबिच भएको प्रतियोगिताको उपाधी आयोजक लियो क्लब अफ बुटवल मेट्रोसिटिले जितेको छ । प्रतियोगिताको उपबिजेता लियो क्लब अफ अल्फा न्यु होराइजन बनेको छ । बिजेताले नगद ७ हजार ५५१ सहित शिल्ड ,मेडल र प्रमाणपत्र प्राप्त गर्न सफल भयो । यसैगरी उपबिजेताले नगद ४ हजार ५५१ सहित मेडल र प्रमाणपत्र प्राप्त गरेका थिए ।
कार्यक्रममा लियो डिस्टिक ३२५ पि नेपाल जिल्ला उपाध्यक्ष श्रद्दा कुंवर, लियो एड्भाइजर उमानाथ अधिकारी (उमेश),लायन्स क्लब अफ बुटवल मेट्रोसिटिका अध्यक्ष ई. गोबिन्द प्रसाद लामिछाने, जनप्रतिनिधि नकुल शाही ठकुरी , लियो जिल्ला सचिब श्रीधर बश्याल, लियो क्लब अफ बुटवल मेट्रोसिटिका संस्थापक अध्यक्ष मनोज गौतम, नि बर्तमान अध्यक्ष मित्रजन भण्डारी लगाएतले बोलेका थिए ।
बुटवल ११ देबिनगरस्थित लुम्बिनी बाणिज्य क्याम्पस प्राङ्गणमा सम्पन्न उक्त कार्यक्रमको क्लबका सचिब जि डि शिखरको सन्चालन, उपाध्यक्ष पुनम कुंवर क्षेत्रीले स्वागत मन्तब्य राखेका थिए । कार्यक्रम सयोंजक अमित गुप्ताले गरेका थिए ।
