बुटवल । बुटवल उपमहानगरपालिका ५ मा रहेको राधाकृष्ण अमर किर्तन मन्दिरमा झुला उत्सब कार्यक्रम सम्पन्न भएको छ।
मंगलबार मन्दिरमा राधा कृष्ण बनाएर झुला झुलाईएको मन्दिर ब्यवस्थापन समिती अध्यक्ष अरुण कुमार श्रेष्ठले जानकारी दिए। उनले साउन महिनामा परेको मलमासको अन्त्यको अवसरमा झुला उत्सब मनाईएको जानकारी दिए।
२०१२ सालमा स्थापना भएको मन्दिरमा मलमासको समयमा भगवान नारायणको बारेमा कथा बाचन तथा किर्तन सुश्री ज्ञानु अर्यालले गरिरहेकी छन। पुरुसोत्तम कथा बाचन साउन २ गतेदेखी ३० सम्म सञ्चालन भएको छ भने बुधबार साङ्गिता गर्ने कार्यक्रम रहेको छ।
मन्दिरका पुजारी कपिल अधिकारीलेले मलमासलको वर्ष भएकोले मंगलबार झुला उत्सब मनाईएको बताउदै वार्षिक रुपमा भदौ ११ गते झुला उत्सब र भदौ २० कृष्ण जन्मास्टमीमा झाकी सहितको कार्यक्रम रहेको जानकारी दिए।कार्यक्रममा २ सय बढी भक्तजनको सहभागीता रहेको थियो।
