तानसेनको बजार क्षेत्रमा बादर प्रवेश गरी मकै तथा खेतीपाती खाने नष्ट गर्ने क्रम बढेपछी कृषकहरुले बाली जोगाउन थापेको विधुतीय धरापमा परी तानसेनमा २ जना घाइते भएका छन ।
तानसेन नगरपालिका वडा नंं ७ लामाडाडाका सोम बहादुर आलेले बादर बाट मकै जोगाउन थापेको विधुतीय धरापमा परी ३१ बर्षिया विजिता आले र ३८ बर्षिया तिलु थापा घाइते भएको पाल्पा प्रहरीले जनाएको छ ।
घाइते दुबै महिलाको लुम्विनी मेडिकल कलेज तानसेनमा उपचार भईरहेको छ ।
घाइतेको अवस्था सुधार हुदै गएको लुम्विनी मेडिकल कलेजले जनाएका छ ।
दुबै जना महिला घर देखी तल घास काट्न जादा बादर लाई थापेको विधुतीय धरापमा परेका हुन । घरधनी आलेले मकैबाली जोगाउन ग्याबिनको नाङ्गो तारमा बिजुलीको करेन्ट छोडेका थिए ।
घाइतेहरु घरधनी सोम आलेका आफन्त रहेका छन ।
पाल्पामा बादर लगायतका जंगली जनावार अत्याधिक बढेको कारण कृषकहरु हैरानीमा परेका छन । सरकारले बादर लगायत बदेल, राते, दुम्सी संरक्षित जनावारमा राखेको कृषकहरुले मार्न पाउदैन बादर लगायत जंगली जनावरको अध्याधिक बृद्धि भएकोले पाल्पाका जुनसुकै स्थानमा कृषकहरु पिडित भएका छन ।
कृषकहरुले बादरकै कारण बसाई सराई गरी खेतवारी बाझो राख्न बाध्य भएका छन ।
