उपमहासचिव ज्ञवालिले लामो समय गुल्मी जिल्लाको राजनीतिक र सामाजिक सेवामा आवद्ध पाण्डे नयाँ पुस्ताकालागी अनुकरणिय व्यक्तित्व बन्न सफल हुनु भएको बताए । राजनिति म केन्द्रित बनिरहेको समयमा टोमलाल जस्ता त्यागी नेता सधै र सबैका उत्प्रेरणाका श्रोत बनिरहनेमा उपमहासचिव ज्ञवालिले जोड दिएका थिए ।

पाण्डेलाइ सम्झदै नेकपा एमालेका सचिव तथा गुल्मी जिल्ला प्रतिनिधि सभा क्षेत्र नम्बर दुइ प्रतिनिधि सभा सदस्य गोकर्ण विष्टले लामो समयदेखी आफू उहाँकै सानिध्यमा रहेर काम गरेको स्मरण गरेका थिए । पार्टीको काममा लमजुङमा रहेका सचीव विष्टले फोन मार्फत सम्बोधन गर्दै सानै देखि आफू टोमलालजिको सरल र सहयोगी सोचबाट प्रभावित भएको बताउदै टोमलालले आफुलाइ विद्यार्थी कालमा गरेको सहयोगको सम्झना समेत गरेका थिए ।

कार्यक्रममा एमाले पोलिटब्युरो सदस्य खिमलाल भट्टराइले धेरै मान्छे पद र शक्तिले अरुमाथि राज गर्ने तर टोमलाल त्याग र समर्पणले आममानिसको दिलमा बसेको सच्चा इमान्दार नेता भएको बताए । कार्यक्रमलाइ सम्बोधन गर्दै पाण्डेका पुराना मित्र तथा वरिस्ठ बामपन्थी नेता लोककृस्ण भट्टराईले पुस्पलाल माओजस्ता र टोमलाल चाउएनलाइ जस्ता नेता भएको बताए ।

०२७ सालमा पुस्पलालको हातबाट कम्युनिस्ट पार्टिको सदस्यता लिएर राजनितिमा होमिएका पाण्डेलाइ नेपाली काङ्ग्रेसका नेता त्रैलोक्य प्रताप शेनले आदर्श बामपन्थी नेताको रुपमा सस्मरण गरे ।

पाण्डे गुल्मी जिल्ला बार एसोसिएसनको अध्यक्ष समेत रहनु भएको थियो । पाण्डेका पुराना मित्र तथा वरिस्ठ अधिवक्ता रबिनारायण खनालले पाण्डे राजनिती , न्यायनीति र समाजसेवाको अथक योद्धा रहेको बताएका थिए ।

माओबादी केन्द्रका केन्द्रीय सदस्य निलकण्ठ तिवारिले रास्ट्रीयता अफ्ट्यारो परेको अहिलेको अवस्थामा टोमलाल पाण्डेजस्ता रास्ट्रबादी नेताको अभाव खड्किएको बताए । कार्यक्रममा एमालेका केन्द्रिय सदस्य तथा लुम्बिनी प्रदेश सभा सदस्य दिनेश पन्थी, एमाले केन्द्रिय सदस्य गणेश खनाल , केन्द्रिय लेखा आयोग सदस्य भिम पौडेलले पनि पाण्ड्को जिवनका बिबिध आयाम बारे प्रकाश पारेका थिए ।

नेपाली काङ्ग्रेसका नेता छन्द पहराइ, गुल्मिका पुर्व साम्सद टङ्क पोखरेल , नेकपा मालेका नेता ओम अर्याल र बाम बुद्धिजीवी खिमानन्द पन्थि एमाले नेता सुशील भट्टराई र गणेश श्रीपालिले कार्यक्रममा टोमलाल पाण्डेको बारेमा बोलेका थिए । पाण्डे बीस २०३१ देखि २०३५ सम्म अबिभाजित अनेरास्ववियुको केन्द्रिय नेता थिए । यस्तै एमालेका हालका अध्यक्ष केपि ओलि सस्थापक अध्यक्ष रहेको प्रजातान्त्रिक रास्ट्रीय युवा संघ नेपालको सस्थापक सचिव थिए ।

नेकपा एमाले धुर्कोट काठाण्डौ पालिका सम्पर्क मन्चको आयोजनामा सम्पन्न कार्यक्रमको अध्यक्षता मंचका अध्यक्ष विमल घिमिरेले गरेका थिए भने संचालन मंचका सचीव रमेश काउछाले गरेका थिए । धुर्कोटमा नेताद्वयको शालिक मंचले गुल्मीको धुर्कोटमा निर्माणधिन टोमलाल बोमलाल स्मृती भवनमा नेताद्वयको शालिक निर्माण गर्ने घोषणा गरेको छ ।

गुल्मीको वामपन्थि आन्दोलनमा अमूल्य योगदान दिएका नेताहरु स्व. टोमलाल पाण्डे र बोमलाल खड्काको शालिक निर्माण गरि धुर्कोटमा निर्माणाधिन भवनमा राखिने कार्यक्रममा मंचका अध्यक्ष विमल घिमिरेले जानकारी दिए । साथै नेताहरुको स्मृती ग्रन्थ प्रकाशनको तयारी गरिएको पनि घिमिरेले बताए । शालिक निर्माण र स्मृति प्रकाशनका लागि विभिन्न उपसमिति बनाएर काम शुरु गरिसकिएको मंचका सचिव रमेश काउछाले बताए ।