चौधरी समूहको सीजी एग्रोले व्यवसायिक कृषि सुरु गरेको छ। कम्पनीले पाल्पामा पाँच सय रोपनी क्षेत्रफलमा अकबरे खुर्सानीको व्यवसायिक खेती थालेको हो।
यो कम्पनीले युरिया मलको कारोबार गर्दै आएको थियो। कम्पनीले उत्पादित खुर्सानी केही आफ्नै उद्योगमा खपत गर्छ भने बाँकी बजारमा बिक्री गर्ने उद्देश्य राखेको छ।
समूह अन्तर्गतको सीजी फूड्सलाई ठूलो मात्रामा अकबरे खुर्सानी आवश्यक परेपछि यो खेती गरिएको हो। पिरो चाउचाउमा अकबरे खुर्सानी प्रयोग हुन्छ।
‘अहिले पिरो चाउचाउको माग अत्यधिक छ। त्यसका लागि ठूलो मात्रामा अकबरे खुर्सानी चाहिन्छ। त्यसका लागि आफैंले खेती गर्न खोजिएको हो,’ स्रोतले भन्यो, ‘उद्योगलाई बढी भएमा बिक्री पनि हुन्छ।’
