बाँकेमा बसको ठक्करबाट एक महिलाको मृत्यु, घटनास्थलमा तनाव सिद्धार्थ राजमार्गअन्तर्गत दोभान क्षेत्रको कालोपत्र गुणस्तर नपुगेको भन्दै उप्काउन थालियो लुम्बिनीका ‘धनी सांसद’मा नैतिकताको खडेरी (ईन्फोग्राफिक्स सहित) तिलोत्तमा–५ मा का सडक वत्ती जडान गर्दा भेटियो ‘अनियमितता’ लियो सिद्धबाबाको रक्तदानमा ४५ यूनिट संकलन तिलोत्तमाबाट देखिएको खुलेको आकाश (फोटो फिचर) धेरै भूभागमा पानी पर्दै, अबको ३ दिन कता-कता छ भारी वर्षाको सम्भावना? बुटवल बसपार्कमा सुविधासम्पन्न स्नानगृह सञ्चालनमा सभामुख न मन्त्री, ओलीले किन काटे छविलाल विश्वकर्माको नाम ? रुपन्देहीमा एक हप्तामा ३१ हजार सवारी चालकलाई लेन अनुशासन शिक्षा                
समाचार :

बाँके कार दुर्घटनाः रक्षामन्त्री खड्काले हवलदार अधिकारीलाई पारिबारिक भ्रमणमा चालक बनाएर पठाएका थिए

बुटवल । जेठ १६ गते बाँकेमा भएको सवारी दुर्घटनामा मृत्यु भएका सशस्त्र प्रहरीका हवलदार सुवास अधिकारीको मृत्युमा रक्षामन्त्री पूर्ण बहादुर खड्का जोडिएका छन् । दुर्घटना भवीतव्य भएपनि जेठ १६ गते बाँकेको राप्तीसोनारी गाउँपालिका–८ ठुडिया खोलानजिकै कारलाई बसले ठक्कर दिँदा कारका चालक सशस्त्र प्रहरीका हवलदार सुवास अधिकारीको मृत्यु भएको थियो । सो दुर्घटनामा रक्षामन्त्री पूर्णबहादुर खड्काकी भाइबुहारी डा. सञ्जु खाती खड्काको पनि निधन भएको थियो ।
रक्षामन्त्री खड्काले आफ्नी भाई वुहारी वीरेन्द्रनगर नगरपालिका–७ निवासी डा. सञ्जु खाती खड्कालाई रारा घुमाउन व्यक्तिगत प्रयोजन सहित पदिय दुरुपयोग गर्दै कार चालकका रुपमा सशस्त्रका हवलदार अधिकारीलाई काठमाडौंबाट पठाएका थिए ।
तर बा १३ च ८२५३ नम्बरको कार धनगढीबाट पूर्वका लागि छुटेको मे १ ख ३३३५ नम्बरको बस संग ठोकिन पुग्दा र्दुघटनामा डा. सञ्जु र अधिकारीको मृत्यु भएको थियो । मृतक सशस्त्र प्रहरीका हवलदार अधिकारी गोरखाको आँपपिपलका हुन ।
प्रहरी हवलदार अधिकारी कसरी डा. सञ्जुको चालक बन्न पुगे भन्ने विषय पनि सशस्त्र प्रहरी बल भित्र अहिले अनुसन्धानको विषय बनेको छ ।
सशस्त्र प्रहरी बलका प्रवक्ता एसएसपी राजेन्द्र खड्काले हवलदार कसरी चालकको रुपमा खटाइ भन्ने बारे अहिले छानविन भइरहेको बताए । उनले अधिकारीले कसको आदेश अनुसार व्यक्तिगत चालक बनेर गएको विषयमा पनि आफुहरुले छानविन गरिरहेको बताए ।
रक्षामन्त्री खड्काले सशस्त्र प्रहरी बललाई समेत जानाकारी नदिई व्यक्तिगत प्रयोजन सहित डा. सञ्जुको चालक बनाएर पठाउँदा अधिकारीको मृत्यु भएको भन्दै अहिले खड्काको सामाजिक सञ्जालमा आलोचना भइरहेको छ ।
युवा नेता रवि किरण हमालले सशस्त्र प्रहरीलाई चालक बनाएर पठाउने उपप्रधानमन्त्री खड्काले पदबाट तत्काल राजीनामा दिनुपर्ने माग गरेका छन ।
सामाजिक सञ्जालमा उनले शक्तिको दुरुपयोग रक्षामन्त्री खड्काले गरेको भन्दै छानविन समेत हुनुपर्ने बताएका छन् ।
चालक हवलादर सुवास अधिकारीको परिवारले दाहसंस्कारसमेत गरिसकेका छन् । त्यस्तै डा. सञ्जुको दाहासंस्कार पनि जेठ १९ गते गत शुक्रबार गरिएको छ । मृतक अधिकारीको परिबारले भने यस बारे केही बोल्न चाहेका छैनन् ।
पालुङटार नगरपालिका वडा नं. ३ गोरखाका वडा अध्यक्ष रविन्द्र अधिकारीले घटना बारे परिबारका कुनै पनि सदस्यले मिडियामा बोल्न नखोजेको बताए । घटना दुःखद भएको भन्दै यस बारे आफुलाई पनि धेरै जानकारी नभएको उनले बताए ।

 

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार