जमुनाह नाकामा रहेको अध्यागमन कार्यालय करिब तीन वर्षदेखि कामविहीन एमाले रुपन्देहीको अधिवेशन जेठमा नुहाउन गएकी प‌द्माको छिमेकीबाटै हत्या, सागरको घरमा भेटियो रगत लतपतिएको खुर्पा र किशोरीको मोबाइल लुम्बिनी वल्र्ड स्कुलले असल अभिभाकत्व र तनाव व्यवस्थापन तालिम आयोजना गर्दै लुम्बिनी प्रादेशिक अस्पतालमा निसन्तान दम्पत्तिका लागि ‘आइयुआई’ सेवा सुरु ड्रिम युनिक रुपन्देही सुपरलिग: डिभिजन ‘ए’काे पहिलाे खेलमा सैनामैना विजयी धनगढीबाट काठमाडौं उडेको श्री एयरको जहाज गौतमबुद्ध विमानस्थलमा अवतरण बुटवल-चन्द्रौटा सडक निर्माण गर्न २२ कम्पनीको आवेदन रुपन्देहीको शुद्धोधनमा कुटपिट गरी वृद्धको हत्या पश्चिम नेपाल बस व्यवसायी प्रा.लिमा चुनावी रौनक                
समाचार :

पाल्पा जीप दुर्घटनामा मृत्यु हुनेको संख्या ५ पुग्यो

पाल्पाको रैनादेवी छहरा गाउँपालिका–८ सत्यवतीमा आइतबार बेलुकी भएको जीप दुर्घटनामा मृत्यु हुनेको संख्या ५ पुगेको छ । दुर्घटनामा ११ जना घाइते भएका थिए ।

जिल्ला प्रहरी कार्यालय पाल्पाका अनुसार मृत्यु हुनेहरूमा अर्घाखाँचीको पाणिनी गाउँपालिकाका जनप्रतिनिधि ४४ वर्षीय विजय पोखरेल, पाणिनी–१ की ६५ वर्षीया स्यामकला परियार, २६ वर्षीय चालक रमेश विक, पाणिनी–२ की २५ वर्षीया सीता गौतम र २ वर्षीय नाबालक संयोग गौतम रहेका छन् ।
नाबालक गौतम र जनप्रतिनिधि पोखरेलको बुटवलको चौराह हस्पिटलमा उपचारका क्रममा मृत्यु भएको हो । दुर्घटनामा घाइते भएकाहरूको बुटवलस्थित लुम्बिनी प्रादेशिक अस्पताल, चौराहा अस्पताल र भैरहवा मेडिकल कलेजमा उपचार भइरहेको छ ।

प्रहरीका अनुसार प्रादेशिक अस्पताल बुटवलमा पाणिनी–१ का ६६ वर्षीय रामबहादुर विक, ६ वर्षीय संयोग गौतम, ५ वर्षीय पर्थिस्ती पोख्रेल, गुल्मीको रुरु बलेटक्सार बस्ने ९ वर्षीय सार्थक जवाली र पाणिनी–१ बस्ने २० वर्षीय सोलिन परियार उपचाररत रहेका छन् ।

बुटवलस्थित चौराहा अस्पतालमा ४० वर्षीय हरी गौतमको उपचार भइरहेको छ भने भैरहवा मेडिकल कलेजमा अर्घाखाँचीको छत्रदेव–४ धरमपानी बस्ने ७ वर्षीय समिर पाण्डे, १० वर्षीय अनुप सोमरे, पाल्पाको तिनाउ–३ दोभान बस्ने ५ वर्षीय आर्या भण्डारी र आर्याकी आमाको उपचार भइरहेको प्रहरीले जनाएको छ ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार