नेपाल खेलकुद महासंघ बुटवल नगरकमिटिको आयोजनामा भएको प्रथम बटौली, ५००० मिटर अन्तर माबि स्तरिय दौड प्रतियोगिता २०७९ को छात्र र छात्रा तर्फ दुवैमा कालिका मानवज्ञान माध्यमिक विद्यालयका विद्यार्थीहरु प्रथम भएका छन् । छात्र तर्फ कालिका मानवज्ञान स्कुलका कक्षा ११ मा अध्यानरत लेख बहादुर झेडी प्रथम भए भने छात्रा तर्फ पनि कक्षा ११ मा अध्यानरत रक्षा थापा श्रीस प्रथम भईन । त्यसैगरी छात्र द्धिर्ति गार्गी एकेडेमीका समिर रुचाल तथा तृतिय नविन औद्योगिक कदर बहादुर रिता माध्यमिक विद्यालयका दिपक वि.क. भए ।
छात्रा तर्फ भने द्धितिय नविन औद्योगिक कदर बहादुर रिता माध्यमिक विद्यालयकी ललिता पाण्डे तथा तृतिय दिप बोडिङ स्कुलकी पुष्पा बुढामगर भईन । बुटवलको योगिकुटीबाट सुरु भएको दौड प्रतियोगिता मिलनचोक हुंदै पुन सोही स्थानमा आएर पुरा भएको थियो । विजयी विद्यार्थीहरुलाई नेपाल खेलकुद महासंघ बुटवल उपमहानगर कमिटिका अध्यक्ष त्रिभुवन पाण्डे, कार्यक्रम संयोजक प्रवेश आचार्य र नेकपा एमाले लुम्बिनी प्रदेश कमिटि सदस्य एवम बुटवल उपमहानगर ईन्चार्ज गोपाल रानाले नगद सहित सम्मान गरे ।
सो अवसरमा बोल्दै कार्यक्रमका प्रमुख अतिथि समेत रहेका रानाले यस्ता खेल प्रतियोगिताले खेलाडिमा भएको क्षमता निखारिनुका साथै खेलाडिहरुको आत्मबल बृद्धि हुने बताए ।