बुटवलको तामनगरमा सवारी दुर्घटना हुँदा मालिका गाउँपालिकाका २ जनाको मृत्यु इजलासमा बालकृष्ण खाणसँग गरिएका २४ सवाल-जवाफ सुनौलो सहकारीले गर्न थाल्यो बचतकर्ताको बचत भुक्तानी आइएलएस संचालनपछि भैरहवा विमानस्थलमा डाइभर्ट जहाज अवतरण गर्न मिल्ने शिव शिखर सहकारीका सञ्चालक शर्माकी श्रीमतीले चढ्थिन् साढे २ करोडको कार बुटवलमा अनेरास्ववियु द्वारा राष्ट्रपति र प्रधानमन्त्रीको बुख्याचामा जुत्ता प्रहार लुम्बिनी केवलकारको गम्भिर लापरबाहीः यात्रु बीचमै रोकिए मोदीले भैरहवालाई हवाई रूटको विषयमा एक शब्द पनि उच्चारण गरेनन् सम्झौता भएको १८ वर्षपछि बेलहियामा आइसिपी निर्माणको शिलान्यास गौतमबुद्ध अन्तर्राष्ट्रिय विमानस्थलमा इन्स्ट्रुमेन्टल ल्याण्डिङ सिस्टम सञ्चालन गर्ने बाटो खुल्यो                
समाचार :

लुम्बिनीमा सरकारको नेतृत्व लिन एमाले र माओवादीको दौडधूप, को बन्ला मुख्यमन्त्री ?

प्रदेश प्रमुखले सरकार गठनका लागि आह्वान गरेसँगै लुम्बिनी प्रदेशमा नेकपा एमाले र नेकपा (माओवादी) केन्द्रका नेताहरूले दौडधूप बढाएका छन् ।

पुस २७ भित्र नयाँ सरकार दिनुपर्ने अवस्थाका बीच सरकारको नेतृत्व दाबी गरिरहेका दलले सरकार गठनका लागि गृहकार्य थालेका हुन् ।

लुम्बिनीमा प्रदेशसभाको प्रमुख दल एमालेले मुख्यमन्त्री दाबी गरेको छ । माओवादी केन्द्रले पनि सरकारको नेतृत्वका लागि दाबी छाडेको छैन ।

दुई पार्टीबीच मुख्यमन्त्रीका लागि रस्साकस्सी र दौडधूप तीव्र छ ।

एमाले र माओवादी दुवै दलले प्रदेशको नेतृत्वका विषयमा आ–आफ्ना अडान छाडेका छैनन् । दुवै दलले प्रधानमन्त्री पुष्पकमल दाहाल ‘प्रचण्ड’ र एमाले अध्यक्ष केपी ओलीको सहमतिसहितको निर्णय कुरेर बसेका छन् ।

राष्ट्रिय प्रजातन्त्र पार्टी (राप्रपा), जनता समाजवादी पार्टी (जसपा), जनमत पार्टी पनि केन्द्रको निर्देशनको पर्खाइमा छन् ।

यता नेपाली कांग्रेसले पनि आकर्षक प्रस्तावसहित साना दलहरूसँग छलफल अगाडि बढाएको छ । त्यसको नेतृत्व कांग्रेस संसदीय दलका नेता डिल्लीबहादुर चौधरीले गरेका छन् । चौधरी गठबन्धन भत्काएर कांग्रेसको नेतृत्वमा सरकार बनाउने गृहकार्यमा देखिन्छन् ।

एमालेबाट संसदीय दलका नेता एवं पोलिटब्यूरो सदस्य लीला गिरी मुख्यमन्त्रीका प्रमुख दाबेदार हुन् । माओवादीबाट संसदीय दलका नेता जोखबहादुर महराको दाबी छ ।

मुख्यमन्त्रीमा एमाले र माओवादी दुवैले दाबी नछाडेकाले गठबन्धनभित्र सहमति जुट्न सकेको छैन । महराले काठमाडौंमै पुगेर पार्टी अध्यक्ष तथा प्रधानमन्त्री पुष्पकमल दाहाल ‘प्रचण्ड’लाई भेट गरिसकेका छन् ।

महराकै पहलमा स्वतन्त्र सांसद दीपेन्द्र पुन मगर माओवादी प्रवेश गरेका छन् । यता गिरीले पनि पार्टी अध्यक्ष केपी ओलीसँग आन्तरिक कुराकानी गरिरहेका छन् ।

माओवादी केन्द्रका प्रदेश अध्यक्ष सुदर्शन बरालले लुम्बिनीमा मुख्यमन्त्री कसले लिने भन्ने टुंगो नलागे पनि अन्य दलहरूसँग अनौपचारिक छलफल अगाडि बढेको बताए ।

८७ सदस्यीय प्रदेशसभामा कुनै पनि दलको स्पष्ट बहुमत छैन । प्रदेश सभाको सबैभन्दा ठूलो दल एमालेका २९ सांसद छन् ।

यस्तै नेपाली कांग्रेसका २७, माओवादी केन्द्रका १०, राष्ट्रिय प्रजातन्त्र पार्टीका ४, नागरिक उन्मुक्ति पार्टी ४, लोकतान्त्रिक समाजवादी पार्टी (लोसपा)का ३, जसपाका ३, जनमतका ३, नेकपा (एकीकृत समाजवादी)का १, राष्ट्रिय जनमोर्चाका १ र स्वतन्त्र २ जना सांसद छन् ।

प्रदेशसभामा १० राजनीतिक दलको प्रतिनिधित्व छ ।

प्रदेश प्रमुख अमिक शेरचनले पुस २७ गते ४ बजेभित्र मुख्यमन्त्रीमा दाबी पेश गर्न आह्वान गरेका छन् ।

लुम्बिनी प्रदेशको नयाँ राजधानी दाङको देउखुरी उपत्यकाबाट कामकाज शुरू भइसकेको छ ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार