लुम्बिनी प्रदेश सरकारको बुधवार बसेको मन्त्रिपरिषद्ले लुम्बिनी प्रदेश सभाका सदस्यहरूलाई पुस १६ गते शपथ गराउनका लागि सरकारको तर्फबाट प्रदेश प्रमुखलाई सिफारिस गरेको छ ।
मुख्यमन्त्री कूलप्रसाद केसीको अध्यक्षतामा बसेको मन्त्रिपरिषद्को बैठकले प्रदेश सभाका सदस्यको शपथ ग्रहणका लागि १६ गते र प्रदेश अधिवेशन १८ गते बोलाउने निर्णय गरिएको सरकारका प्रवक्ता एवं आन्तरिक मामिला, कानून तथा सञ्चारमन्त्री तिलकराम शर्माले जानकारी दिए ।
प्रवक्ता शर्माले लुम्बिनी प्रदेशको पूर्व सिमाना नवलपरासीमा स्वागतद्वार निर्माण गर्नका लागि स्थानीय तहलाई अनुरोध गरेका छन् ।
लुम्बिनी प्रदेशका सदस्यहरूलाई पहिलोपटक आफ्नो भवन प्रदेशसभा भवन देउखुरी दाङमा नै शपथ गराउने गरी तयार गरेको छ । लुम्बिनी प्रदेश सरकारले स्थायी मुकाम राप्ती उपत्यका देउखुरी, दाङबाट सञ्चालन गरिसकेको छ भने प्रदेशसभा पनि आफ्नै नयाँ भवनबाट सञ्चालन गरेको तयारी भइरहेको छ ।
