बुटवल । पुर्व अर्थमन्त्री तथा एमाले उपाध्यक्ष विष्णु पौडेलले आगामी निर्वाचनमो एमालेका लागि अनुकुल बन्दै गएको बताएका छन् । मतदाता सामु देशको विकास र समृद्धि गर्ने पार्टी एमालेनै रहेको भन्ने विश्वास दिनानुदिन बढे संगै एमालेका लागि निर्वाचन अनुकुल भएको बताए ।
बुधबार नेकपा एमाले स्याङजा–रुपन्देही सम्पर्क मञ्चले आयोजना गरेको कार्यक्रममा बोल्दै नेता पौडेलले माहोल अनुकुल बन्दै गएको र निर्वाचन पछि एमाले नेतृत्वको सरकार बनाउनेमा ढुक्क रहेको बताए । निर्वाचनमा सफलता प्राप्त कुनै कठिनाई नरहेको भन्दै अब देशमा विकासको जिम्मा एमालेले ल्याउने उनको भनाई छ ।
विगतमा एमालेले गरेको कार्यहरु जनता बाट अनुबन्धित भइसकेको बताउंदै अझै जनताका लोकप्रिय काम गर्न बांकी रहेको र त्यो अभिभारा एमालेको काधमा आउन लागेको बताए । समग्र रुपन्देही मात्र नभई सिंगो मुलुकमा नै एमालेले विकासको लहर ल्याएको बताउंदै नेता पौडेलले अहिले एमाले नेतृत्वको सरकार नबनेमा देशमा झन बढि अस्थिरता उत्पन्न हुने बताए ।
गठबन्धन दलहरु चुनाव पछि छिन्नभिन्न हुने भन्दै यदि गठबन्धन सरकारमा गए भागबन्डाकै कारण देशमा अस्थिरता उत्पन्न हुने बताए । रुपन्देही क्षेत्र नं. २(१) का उम्मेदवार लिला गिरी प्रदेशको समृद्ध विकासका लागि एमालेको सरकार आवश्यक रहेको बताए । त्यसैगरी २(२) का उम्मेदवार भोजप्रसाद श्रेष्ठले भौतिक विकास संगै अब मानविय विकासका लागि एमाले नेतृत्वको सरकार आवश्यक रहेको बताए ।
