आमा पनि बा, बा पनि बा’ ।

हास्य-विनोद भरिपूर्ण यो संवादसँगै समाजको कुनै अँध्यारो कुनामा विलुप्त एकल पिताको कथा, जसको संवेदनाले मनलाई ऐंठन पार्छ ।

आफ्ना लालाबालाको सुरक्षित, सुखी र सुन्दर जीवनका लागि आफूलाई रित्याइरहेका पिताले जिन्दगीको उत्तराद्र्धमा पुगेपछि किन सम्बन्धका नयाँ आयाम खोज्छन् ? कठिनतापूर्वक गुज्रिने चिसा रातहरुमा किन न्यानोपनको चाह राख्छन् ? यिनै सेरोफेरोमा बुनिएको कथासँगै ‘महापुरुष’को ट्रेलर सार्वजनिक भएको छ ।

मदनकृष्ण श्रेष्ठ र हरिवंश आचार्यको पूर्ववत् रसिलो-चोटिलो लुकामारीबाट सुरु यसको कथानक मोडहरुले पक्कै स्थिर रहन दिनेछैन । हाँसोठट्टामा बहकिंदा बहकिंदै मानवीय संवेदनाको गहिराइमा पुगेर हृदयलाई स्पर्श गर्न सक्छ । अनि झरी र आँसुको संयोजनले सिनेम्याटिक विम्ब थप बलियो बनाउन सक्छ ।