सेयरधनी रमा जिसीले माया भट्टराईको घरमा आइतबार तिवारीकी श्रीमती शारदा आएको र अध्यक्ष पनि सोही घरमा भएको हुन सक्ने आशंकाले आफूहरूले रातभर धर्ना दिएको बताइन।

रकम अपचलनको खबर बाहिरिएपछि अध्यक्ष धनश्याम तिवारी र सचिव रामबहादुर थापा दुवै फरार छन्। उनीहरू दुबै जना स्थानीय कांग्रेस नेता हुन। उनीहरूविरुद्ध एक साता अघि नै रुपन्देही जिल्ला अदालतले पक्राउ पुर्जी जारी गरिसकेको छ।

बचतकर्ताहरूले तिवारी र थापालाई राजनीतिक संरक्षण गरेर लुकाइएको आरोप लगाउँदै आएका छन्। पिडितहरू तिलोत्तमा नगरपालिकाका नगरप्रमुख रामकृष्ण खाँणले समेत आफूहरूलाई असहयोग गरेको बताएका छन्।

केही दिनअघि बचतकर्ताहरू नगर प्रमुख खाँणलाई भेट्न जाँदा उनीहरूलाई नगर प्रमुख खाँणले मिलेर जान सुझाव दिएका थिए।

सहकारीका व्यवस्थापक वसन्त पराजुलीलाई भने प्रहरीले पक्राउ गरी अनुसन्धान गरिरहेको छ। इलाका प्रहरी कार्यालय बुटवलका डीएसपी इन्द्रबहादुर रानाले भने अध्यक्ष र सचिव अझैसम्म फेला नपरेको बताए।

बचत अपचलनका बारेमा स्वतन्त्र लेखापरीक्षण भइरहेको छ। प्रारम्भिक रिपोर्ट आए पनि सार्वजनिक भने गरिएको छैन।

प्रारम्भिक रिपोर्टमा ५० जनालाई विना धितो ऋण प्रभाव गरेको खुलेको छ। त्यस्तै सचिव रामबहादुर थापाको मात्र ७५ पटक भन्दा बढि ऋण जारी गरेको खुलेको छ । त्यति मात्र होईन, सहकारीको सफ्टवेयरमा १३ हजारपटकसम्म अंक तथा अक्षर ‘डिलिट’ गर्नुका साथै सहकारी तथा बैंकको सफ्टवेयर ‘अफ आवर’ मा पनि चलेको पाइएको छ।