बुटवल । गुल्मीको तुराङका महेश अर्याल दुवै मिर्गौलाले काम गर्न छाडेपछि यतिबेला जीवन र मृत्युको दोसाँधमा संघर्ष गरिरहनुभएको छ। चिकित्सकको सल्लाह अनुसार उहाँको नियमित डायलाइसिस भइरहे पनि कमजोर आर्थिक अवस्थाका कारण थप उपचार प्रक्रिया अघि बढाउन परिवारलाई धौ-धौ परेको छ।
पीडित परिवारका अनुसार दैनिक उपचार र डायलाइसिस खर्च दिनप्रतिदिन बढ्दै जाँदा आर्थिक संकट गहिरिँदै गएको छ। समयमै थप उपचार र मिर्गौला प्रत्यारोपण गर्न नसके स्वास्थ्य अवस्था थप जटिल बन्ने चेतावनी चिकित्सकहरूले दिएका छन्।
महेशको पारिवारिक पृष्ठभूमि झनै कहालीलाग्दो छ। घरका मुली (बुवा) को यसअघि नै निधन भइसकेको छ भने परिवारमा आर्थिक उपार्जन गर्ने अन्य कुनै बलियो स्रोत छैन। त्यसमाथि उनका दाजु पनि लामो समयदेखि दीर्घरोगबाट ग्रसित भई नियमित औषधि सेवन गरिरहनुभएको छ। दैनिक छाक टार्नै धौ-धौ भइरहेको अवस्थामा महेशको महँगो उपचार खर्च जुटाउन परिवार पूर्ण रूपमा असमर्थ बनेको छ।
यसैबीच, आर्थिक अभावका कारण उपचार रोकिने अवस्था आएपछि महेशको जीवन बचाउन परिवार तथा आफन्तले देश-विदेशमा रहेका सम्पूर्ण नेपाली, सामाजिक संघ-संस्था तथा मनकारी महानुभावहरूसँग आर्थिक सहयोगको अपिल गरेका छन्।
सहयोग कसरी गर्ने?
यदि तपाईँ महेश अर्यालको जीवन रक्षाका लागि सहयोग गर्न चाहनुहुन्छ भने तल दिइएको बैंक खाता वा सम्पर्क नम्बरमा सिधै सम्पर्क गर्न सक्नुहुनेछ:
बैंकको नाम: ग्लोबल आइएमई बैंक (मजुवा शाखा)
खातावालाको नाम: मधुकर अर्याल
खाता नम्बर: 07107010008674
सम्पर्कका लागि:
सम्पर्क नम्बर: ९७६२७३४१७२
टेकबहादुर अर्याल (माइलो बुवा): ९७०६३९९३२५
