इस्मा र मुसिकोटको सिमानाको रंगनाम भौगोलिक हिसावले विकट छ । त्यसैले गाउँ छोडेर जानेहरु पनि धेरै छन् । तर, मनमा गाउँकै रहर बोकेर बसेकाहरुको आशा आफ्ना उमेद्वारसंग संस्कारसहित पोखिनु उदाहरणीय थियो । सोही क्रममा गिरीले मनमा गोकर्ण बिष्टको तस्विर रहेको भावुक अभिव्यक्ति दिए ।

गाउँभर विभिन्न हल्ला चलेपनि अहिलेसम्म भोट कतै नदिएको बताउदै बुबाआमाको जस्तै गोकर्ण जी को तस्विर मनमुटुमा भएकाले आक्रोश र खुसी उहाँलाईनै सुनाउँदै आएको गिरीले बताउनुभयो । गिरीकोमा भेला भएका मतदाताले बिष्टसंग गाउँका सडक, कृषि र बिपद् लगायतका समस्या राखेका थिए ।

जवाफमा बिष्टले बिगतमा लौरा टेकेर भोट माग्न आउने गाउँमा कम्तिमा गाडीका आउने अवस्था बनेकाले मुख्य सडक कालोपत्रेको चरणमा अघि बढेको, बिजुली, खानेपानी, अस्पताल, बिद्यालय, स्वास्थ्यचौकी र पुलहरुको निर्माणका थुप्रै कामहरु भएको बताए । भेटघाटपछि अझै पनि रंगनाममा धेरै काम गर्न बाँकी रहेको कुरा मनमनमा बिझेकाले आगामी दिनमा पुरा गरेर छोड्ने प्रतिवद्धता जनाए ।