आईटी उद्योग विस्तार गर्दै डाटा सुरक्षा, डिजिटल सेवा र रोजगारी सृजना गर्ने उनले बताए । त्यस्तै उनले नीति तथा कार्यक्रममा उद्योगमैत्री सीप विकास गरी तालिम मार्फत योग्य र प्रतिस्पर्धी कार्यबल तयार गर्ने, होटल, रेष्टुरेन्ट, धार्मिक र प्रकृति पर्यटन विस्तार गर्ने आफ्नो योजना रहेको उनले बताए ।

‘यसो हुँदा स्थानिय अर्थतन्त्र मजबुत मात्र हुँदैन । नयाँ नयाँ रोजगारीका अवसरहरु समेत सिर्जना हुनेछ’ उनले भने ।

बजारको परिर्वतन अनुसार छिटो अनुकुलन हुने नीतिगत र संंस्थागत संरचनाको विकास पनि आफ्नो प्राथमिकतामा रहेको बताए । जलविद्युक्तलाई प्रविधि, मुल्य अभिबृद्धि र उद्योग सँग जोडेर आर्थिक मेरुदण्ड बनाउने उनको भनाई छ । स्वास्थ्यलाई सर्वसुलभ बनाउँदै गुणस्तरिय अस्पताल, मेडिकल कलेज र स्वासथ्य सेवा मार्फत क्षेत्रीय स्वास्थ्य केन्द्र बनाउन आफुले पहल गर्ने उनले प्रतिबद्धता जनाए ।

साथै उनले विश्वस्तरिय शिक्षा सँग जोडिदैै विदेशी विश्वविद्यालयका क्याम्पस देशमा स्थापना गर्ने योजना अघि सारेको बताए ।

पेशाले मेकानिकल इन्जिनियर तथा सफल उद्योगपति रहेका पाण्डे काठमाडौँ विश्वविद्यालयबाट इन्जिनियरिङ अध्ययन गरेका छन् ।

त्यस्तै उनले इटालीमा इरास्मस छात्रवृत्तिमार्फत मास्टर्स पूरा गरेका छन । पूर्वाधार, ऊर्जा, सीप, डिजिटल रूपान्तरण, स्वास्थ्य, पर्यटन र शिक्षामार्फत समृद्ध रुपन्देही निर्माणको स्पष्ट दृष्टिकोणसहित उज्यालो नेपाल पार्टीबाट रुपन्देही–२ मा आफु उम्मेदवार बनेबो उनले बताए ।