बुटवल । सामाजिक क्षेत्रमा काम गर्दै आइरहेको जि २५ क्लबले लागुऔषध दुव्र्यसनी सम्बन्धी सचेतनामूलक मोटिभेशनल कार्यक्रम गर्ने भएको छ । क्लबले यही मंसिर २४ गतेदेखि २६ गतेसम्म बुटवल उपमहानगरभित्रका विभिन्न विद्यालयमा सचेतनामूलक कार्यक्रम गर्ने भएको हो ।
क्लबले मंसिर २४ गते बुटवल ११ स्थित प्रगति माध्यमिक विद्यालय, २५ गते बुटवल १७ को नमुना गौतम जनशक्ति आधारभूत विद्यालय, २६ गते नबिन औद्योगिक कदर बहादुर सिता माध्यमिक र सूर्यदय आधारभूत विद्यालयमा कार्यक्रम गर्ने छ ।
उक्त कार्यक्रमको सम्पूर्ण तयारी पुरा भइसकेको क्लबले मंगलबार पत्रकार सम्मेलनको आयोजना गरि जानकारी दिएको छ । क्लबका अध्यक्ष जयदिप न्यौपानले क्लबले स्थापनाकालदेखि नै सामाजिक कार्यक्रम गर्दै आइरेको बताउँदै अहिले गर्न लागेको लागुऔषध दुव्र्यसनी सम्बन्धी कार्यक्रम पनि त्यसैको निरन्तरता रहेको बताए ।
पछिल्लो समयमा विद्यालयका तहका विद्यार्थीहरु लागु औषधमा फस्ने गरेकोले विद्यार्थीहरुलाई सचेत गराउनका लागि विद्यालयमा नै गएर कार्यक्रम गर्न लागेको बताए ।
बुटवल ११ को अव्यवस्थित बसोबासीका कारणले पनि त्यहाँ बस्ने बालबालिकाहरु विभिन्न गलत गतिविधि संलग्न हुने क्रममा बढेकाले बुटवल ११ र अव्यवस्थित बसोबासी भएका क्षेत्रलाई लक्षित गरि कार्यक्रम गरेको अध्यक्ष न्यौपानेले बताए ।
यस्तै अध्यक्ष न्यौपानेले सामाजिक संजालले पनि बालबालिकालाई विभिन्न अपराधिक गतिविधि गर्न प्रेरित गरेकाले अभिभावकले विशेष ख्याल गर्न लागेको बताए । सचेतामूलक कार्यक्रममा आस्था समूहका सुमन हिताङ र सुमित कार्कीले मोटिभेशनल कार्यक्रम माफर्त विद्यार्थीहरुलाई सचेत गराउने क्लबका सचिव रमेश महराले बताए ।
सामाजिक क्षेत्रमा विभिन्न काम गर्दै आइरहेको क्बलले समाजका विपन्न वर्गका बालबालिकालाई सहयोग, बुटवललाई हरियाली बनाउन विभिन्न स्थानमा बृक्षारोपण तथा रक्तदान लगायतका काम गरेको छ ।
