स्टोरको मङ्गलवार एक कार्यक्रमका बिच बुटवल उद्योग वाणिज्य सङ्घका अध्यक्ष हरिप्रसाद अर्याल, टाइटन कम्पनीका इन्टरनेशनल बिजनेस अपरेसन म्यानेजर वसन्त वासुदेवन तथा टाइटन कम्पनीको नेपालका लागि आधिकारिक विक्रेता नेपाल ट्रेड नेटवर्क प्रालिका प्रबन्ध निर्देशक सुनिलकुमार अग्रवाल लगायतले उद्घाटन गरेका हुन ।

लामो समयको व्यवसायीक अनुभवपछि लुम्बिनी प्रदेशमै पहिलोपटक विश्व चर्चित टाइटन घडिको स्टोर बुटवलमा सञ्चालन गर्न सफल भएको स्टोरका सञ्चालक कुमार तामाङले बताए । सञ्चालक तामाङका अनुसार स्टोरमा आउने ग्राहकले १ हजार भन्दा बढी घडीका डिजाइनहरूबाट आफूलाई मन परेको डिजाइन छान्न पाउनेछन् ।

बुटवल तथा आसपासका जिल्ला वासीहरूको माग अनुसार सुपथ मूल्यमा टाइटनका हजारौँ आकर्षक डिजाइन र गुणस्तरीय घडीहरू उपलब्ध गराउने उद्देश्यले टाइटन स्टोर सञ्चालनमा ल्याएको समेत उनले बताए ।

बुटवल उद्योग वाणिज्य सङ्घका अध्यक्ष हरिप्रसाद अर्यालले टाइटन ब्रान्डको एक्सक्लयुसिब स्टोर बुटवलमा सञ्चालनमा आउनु बुटवल बासीका लागि खुसीको कुरा भाएकाे बताए । स्टोरको सञ्चालनसँगै ग्राहकलाई सहज हुने विश्वास व्यक्त गर्दै उनले व्यवसायीका सफलताको शुभकामना व्यक्त गरे । उनले घडीको ब्राण्डीङमा व्यवसायी तामाङको भूमिका महत्त्वपूर्ण रहेको भन्दे उनले प्रदेशका अरू जिल्लामा पनि यस्ता सोरुम विस्तार गर्न जरुरी रहेको उनले बताए ।

टाइटन कम्पनीका इन्टरनेशनल बिजनेस अपरेसन म्यानेजर वसन्त वासुदेवनले बुटवलमा टाइटनको ब्रान्ड विस्तार गर्न पाउँदा खुसी लागेको बताए । ‘हामी टाइटनका नवीनतम संग्रहहरू, नवीनतम स्मार्टवाचदेखि टाइमलेस क्लासिक क्वाट्र्ज र अटोमेटिक्स सम्म नेपालका हरेक घडी प्रेमीहरूको हातमा ल्याइरहेका छौं ।,’ बिजनेस म्यानेजर वासुदेवनले भने ।

टाइटन कम्पनीको नेपालका लागि आधिकारिक विक्रेता नेपाल ट्रेड नेटवर्क प्रालिका प्रबन्ध निर्देशक सुनिलकुमार अग्रवालले प्रिमियम घडीहरूको बढ्दो मागलाई सेवा दिने यात्रामा बुटवलको स्टोर कोसे ढुङ्गा साबित हुने बताए । उनले टाइटन घडीको ब्राण्डलाई विस्तार गर्दै नेपालका मुख्य सहरहरूमा स्टोर सञ्चालन भइरहेको बताए ।

टाइटन स्टोरमा महिला पुरुष र युवा-केन्द्रित फेसन र आकर्षक डिजाइनका घडीहरूको मूल्य ३ हजार ५ सय देखि ४ लाख ५० हजार सम्म रहेको छ । स्टोरमा टाइटन र फास्ट्रेक का स्मार्ट घडी, परफ्युमहरु र सन ग्लासहरू पनि उपलब्ध छन् । स्टोरको उद्घाटनका अवसरमा मङ्सिर १० गतेसम्म आउने ग्राहकले प्रत्येक घडीमा १० प्रतिशत छुट र उपहारका रूपमा २० एमएलको टाइटन स्किन परफ्युम प्राप्त गर्नेछन् ।

१९८४ मा स्थापित टाइटन कम्पनीले प्रत्येक वर्ष साढे १ करोड भन्दा बढी घडीहरू उत्पादन गर्दै २५ देशहरूमा बिक्री गर्दै आएको छ ।