सो अवसरमा बोल्दै प्रमुख अतिथि अर्यालले अहिलेको शिक्षा प्रविधिमैत्री हुनुका साथै प्रयोगात्मक हुनुपर्ने बताइन्। समयक्रम सँगै शिक्षक/शिक्षिकाहरुको क्षमता अभिबृद्धि हुनुपर्ने बताउँदै उनले शिक्षकहरुलाई अब एआई, च्याट जिपिटी जस्ता प्रविधि सँग प्रतिस्पर्धा गर्नुपर्ने अवस्था आएको बताइन् ।

बुटवल उपमहानगरपालिकाले शिक्षाको रुपान्तरणका लागि प्रयोगात्मक शिक्षण सिकाईका लागि योजना बनाएको बताइन्। । उनले विद्यार्थीहरुलाई किताबी ज्ञानमात्र नभई व्यवहारिक ज्ञान तर्फ अग्रसर गराउन शिक्षकहरुलाई सुझाव दिइन्।

विद्यालय व्यवस्थापन समितिका अध्यक्ष नवराज गौतमले शिक्षक, विद्यार्थीको मेहनत एवं अभिभावकको विश्वासकै कारण समिट इङ्गलिस बोर्डिङ्ग स्कूलले शिक्षा क्षेत्रमा फड्को मारेको बताए । स्कूलका प्राचार्य टंकप्रसाद रेग्मीले विद्यार्थीहरुलाई प्रविधिमैत्री शिक्षण क्रियाकलापमा जोड दिएको बताए ।

साथै उनले शिक्षाको गुणात्मक विकासका लागि समय समयमा शिक्षकहरुलाई तालिम समेत प्रदान गर्दै आएको बताए । स्कूलकी सह प्राचार्य पार्बता खनालको स्वागत तथा शिक्षिका सुनिता ज्ञवालीको सञ्चालनमा कार्यक्रम भएको थियो । कार्यक्रममा जेष्ठ अभिभावक गणेशप्रसाद खनाल र गंगादेवी रेश्मीलाई सम्मान गरिएको थियो ।

त्यस्तै शिक्षक सम्मान पनि गरिएको थियो । विद्यालयमा २० वर्ष सम्म अध्यापन गराएका ६ जना, १५ वर्ष अध्यापन गराएका ७ जना, १० वर्ष अध्यापन गराएका २ जना र ५ वर्ष अध्यापन गराएका ३ जना गरी १८ जना शिक्षक/शिक्षिकालाई सम्मान गरेको विद्यालयका प्राचार्य टंक प्रसाद रेग्मीले जानाकारी दिए ।

कार्यक्रममा विद्यालयका सल्लाहकार राधारमण प्रसाद अग्रहरी, पूर्व प्राचार्य तथा सल्लाहकार राजेन्द्र प्रसाद श्रीवास्तव, निवर्तमान अध्यक्ष शम्भु पन्त, पूर्व उपाध्यक्ष टोपलाल खनाल, अभिभावक लक्ष्मी न्यौपाने, भूपू विद्यार्थी परिवारका संस्थापक अध्यक्ष सागर पाण्डे लगायतले बोलेका थिए ।

सो अवसरमा शैक्षिक सत्र ०८१ मा उत्कृष्ट अंक हासिल गरेका विद्यार्थीहरुलाई पुरस्कृत गरिएको थियो ।

विद्यालयमा हाल ६५० विद्यार्थीहरु रहेका छन् ।