राप्रपा नेपालबाट रूपन्देही –३ को उपनिर्वाचनका लागि अर्जुन थापा उम्मेदवार सिफारिस भएका छन्।
रूपन्देही–३ मा हुन गइरहेको उपनिर्वाचनमा राप्रपा नेपालले अर्जुन थापा ‘कालु’ लाई उम्मेदवारको रूपमा अघि सारेको महामन्त्री राजाराम बर्तौलाले जानकारी दिए।
उनका अनुसार जिल्ला कार्य समितिको सिफारिस बमोजिम पार्टीको लुम्बिनी विकास क्षेत्र समन्वय समितिले अर्जुन थापा ‘कालु’लाई उम्मेदवारको रूपमा केन्द्रमा आज एकल सिफारिस गरेको हो ।
पार्टी महामन्त्री बर्तौलाले क्षेत्रीय समन्वय समितिको सिफारिस केन्द्रमा आएको जानकारी दिँदै केही दिनभित्रै उम्मेदवारीबारे केन्द्रले निर्णय गर्ने बताए।
