बुटवल । रुपन्देहीको बुटवल उपमहानगरपालिका वडा नं. १३ बेलबासमा होटल बुटवल क्राउन प्लाजा सञ्चालनमा आएको छ ।
लामो समय देखि क्याटरिङ व्यवसायमा आबद्ध भएका व्यवसायी ज्ञानप्रसाद खनालको एकल लगानीमा होटल बुटवल क्राउन प्लाजा सञ्चालनमा आएको हो ।
उक्त होटलको एक कार्यक्रमका बीच बुटवल उपमहानगरपालिकाका नगरप्रमुख खेलराज पाण्डेयले उद्घाटन गरे ।
सो अवसरमा उनले ठुलो लगानीमा खोलिएका होटलहरुमा पर्यटकहरुको संख्या बढाउन यस क्षेत्रमा भएका ऐतिहासिक, सांस्कृतिक महत्व बोकेका स्थलहरुको प्रचार प्रसारमा जोड दिनुपर्ने बताए । साथै पर्यटन पुर्वधार निर्माणका लागि संघ, प्रदेश र स्थानिय तहले कन्जुसाई गर्न नहुने बताए ।
होटल सञ्चालक खनालले ग्राहकहरुलाई स्तरिय र नेपाली परम्परागत खानाको स्वाद चखाउने गरी होटल सञ्चालनमा ल्याएको बताए ।
५ करोड लगानी भएको होटलमा हाल २५ जनाले रोजगारी पाएका छन् । आउटडोर क्याटरिङ हुँदै होटल सञ्चालन गरेका खनालले होटलमा नेपाली स्वाद पर्यटक सामु फस्कने प्रतिबद्धता जनाए ।
होटलमा १६ वटा डिलक्स, एसी रुमहरु रहेका छन् ।
उद्घाटनको अवसरमा होटलमा विभिन्न सांस्कृतिक कार्यक्रम समेत गरिएको थियो । उक्त कार्यक्रममा लोक तथा दोहोरी गायक खुमन अधिकारी, चर्चित हास्यव्यङग कलाकार विष्णु जि पाण्डे (माइला बा) लगाएतको प्रस्तुती पनि रहेको थियो ।
