बुटवल । नेपाल चिकित्सक संघ लुम्बिनीले आम्दा अस्पतालमा चिकित्सकमाथी कुटपिट गर्नेहरुलाई कारवाही गर्न माग गरेको छ ।
संघका अध्यक्ष डा. डिबि खत्री र महासचिव डा. सन्तोष पोखरेलले विज्ञप्ती जारी गर्दै संघका आजीवन सदस्य सिद्धार्थ बाल तथा महिला अस्पतालका मेडिकल सुपरिटेन्डेन्ट डा. राजेन्द्र बस्यालमाथी गुण्डागर्दी र दादागिरी शैलीमा भएको कुटपिटको निन्दा र भत्सर्ना गर्दै कुटपिटमा संलग्नहरुलाई कारवाहीको माग गरे ।
वार्तामा बसीरहेको अवस्थामा प्रहरी प्रशासनकै अगाडी विभिन्न समुहहरुले गुण्डागर्दी र दादागिरी शैलीमा कुटपिट गरेको भन्दै कानुनलाई हातमा लिएर मानव अधिकारको जघन्य उल्लंघन गर्दै प्रशासनकै अगाडी यस्तो अपराधिक कार्य हुनु समाज र देशको लागी पनि संवेदनशिल विषय भएको संघले जनाएको छ ।
