बुटवल । बुटवल योगिकुटीमा रहेको सिद्धार्थ बैंकले ‘मिरा ट्रस’लाई नगद हस्तान्तरण गरेको हो । सामाजिक उत्तरदायित्व अन्तर्गत बैंकले मिरा ट्रसले स्थापना गरेको मिरा कोषलाई नगद ५० हजार हस्तान्तरण गरेको हो ।
बैंकका योगिकुटी शाखाका शाखा प्रबन्धक लक्ष्मी प्रसाद ज्ञवाली, कर्जा अधिकृत दिपक कार्की र सिएसडी एलिसा भुजेलले कोषका अध्यक्ष हेमलाल शर्मा भुसाललाई नगद चेक हस्तान्तरण गरेका गरेका थिए ।
सो अवसरमा बोल्दै बैंकका शाखा प्रबन्धक लक्ष्मीप्रसाद ज्ञवालीले सामाजिक क्षेत्रमा गर्नुपर्ने खर्चलाई कोषमा रकम प्रदान गरिएको र यो रकमबाट अति गरिव, जेहेन्दारहरुले लाभ लिन सक्ने बताए ।
कोषका अध्यक्ष हेमलाल शर्मा भुसालले कोषले सामाजिक, शैक्षिक, स्वास्थ्य क्षेत्रमा अप्ठयारा परेकाहरुलाई सहयोग गर्दै आएको भन्दै प्रत्येक बर्ष ४ लाख बढि रकम कोषबाट खर्च गरिने बताए ।
०७८ सालमा स्थापना भएको ट्रसले प्राकृतिक प्रकोप, एकल महिला, बालबालिका, दुर्गम क्षेत्रका विद्यालयका जेहेन्दार विद्यालय, दिर्घ रोगीहरुलाई सहयोग गर्दै आएको छ । अध्यक्ष शर्माले ०७९ सालमा मात्र कोषबाट साढे ३ लाख बढि रकम सहयोग बापत खर्च गरिएको बताए ।
कोषबाट गत बर्ष गंगा आधारभुत विद्यालय गुल्मी चारपाला, दमकडा नमुना माध्यमिक विद्यालय पाल्पा, हाम्रो सगरमाथा आधारभुत विद्यालय तिलोत्तमा, रुरु गौशाला आश्रम, गणेशमान सैजु बृद्धा आश्रम बुटवललाई सहयोग गरिएको उनले बताए । कोषमा हाल १० लाख १४ हजार रुपैयाँ रहेको छ ।
