कार्यक्रममा सदस्य सचिव सानुराजा शाक्यले विहारहरुले गर्ने कार्यक्रम र गतिविधिलाई समेत समेटेर बार्षिक धार्मिक क्यालेन्डर बनाउने योजनामा रहेको बताउँदै कार्यक्रम विवरण जानकारी गराउन आग्रह गरे । उक्त अवसरमा विहारका प्रतिनिधिहरुले विद्युतको समस्या जटिल रहेकाले त्यसलाई सुधार गर्न सुझाव दिएका थिए ।

विहारका प्रतिनिधिहरुको सुझावपछि कोषका योजना प्रमुख सरोज भट्टराईले केही भौतिक पूर्वाधार निर्माणले विहारहरुमा समस्या भएपनि अब छिट्टै समाधान हुने बताए । उनले विद्युतको समस्या समाधानका लागि प्राधिकरणसँग पहल भइरहेको बताए ।

छलफल कार्यक्रममा प्रमुख प्रशसकीय अधिकृत ज्ञानिन राई, प्रशासन प्रमुख चुरामणि भट्टराई र विहारका प्रतिनिधिहरुको उपस्थिती थियो । लुम्बिनीको गुरुयोजना क्षेत्रमा पूर्व र पश्चिममा विहारहरु छन् ।