बुटवल । गत चैत बाट भारतमा व्यवसायिक रुपमा सिमेन्ट निर्यात थालेको अर्घाखाँची सिमेन्टले असार सम्म ३८ करोड रुपैयाँ बराबरको सिमेन्ट भारत निकासी गरेको छ ।
रुपन्देहीमा स्थापना भएको अर्घाखाँची सिमेन्टले निर्यातको सुरुवात गत कार्तिक बाटै गरेपनि व्यवसायिक निर्यात भने चैतबाट भएको र ४ महिनामा ३८ करोडको सिमेन्ट निर्यात गरेको उद्योगका प्रबन्ध निर्देशक राजेशकुमार अग्रवालले बताए ।
अर्घाखाँचीले यसबीच ५ लाख २५ हजार बोरा सिमेन्ट, २६ हजार टन क्लिङ्कर निकासी गरेको छ। गत आर्थिक वर्षमा अर्घाखाँचीका उत्पादन बिहारको पटना तथा उत्तर प्रदेशका गोरखपुर, महाराजगन्ज, लखऊ, कानपुर, बनारसलगायत सहर पुगेको हो।
अग्रवालका अनुसार गत वर्ष अर्घाखाँची सिमेन्ट ४ सय मिटरको रेडियसमा पुगेको हो। चालू वर्ष अन्य सहर पुग्ने लक्ष्य छ। सुरुवाती वर्ष भएकाले प्रयासस्वरूप ३८ करोडको निकासी गरियो। चालू वर्ष २ अर्बहाराहारीको सिमेन्ट निकासी गर्ने लक्ष्य छ।
