बुटवल । विद्यार्थी र अभिभावकलाई कुनै एक ठाउँबाट मात्र पोशाक खरिद गर्न विद्यालयले बाध्य गरेको प्रति तिलोत्तमा नगरपालिकाले ध्यानआर्कषित भएको बताएको छ ।
कुनै अमुव व्यापारीलाई मात्र फाईदा हुने गरी विद्यालयले पसल नै तोकेर विद्यार्थीहरुको पोशाक खरिद गर्न बाध्य पारेको भन्दै विद्यार्थीको भावना विपरित त्यस्तो नगर्न नगरभित्रका सवै विद्यालयलाईहरुलाई निर्देशन समेत गरेको छ ।
एक सूचना जारी गर्दै नगरपालिकाले अभिभावक र विद्यार्थीको भावना विपरित निश्चित पसलबाट मात्र विद्यार्थीहरुको पोशाक खरिद गर्नुपर्ने बाध्यात्मक परिस्थिति सृजना नर्गन भनेको छ ।
नगरप्रमुख रामकृष्ण खांणले कुनै विद्यालयले तोकेकै स्थानबाट मात्र पोशाक खरिद गर्नुपर्ने बाध्यकारी व्यवस्था विद्यार्थी र अभिभावकलाई गरेकाले यस्तो निर्देशन दिएको बताए ।
‘अभिभावक वा विद्यार्थीहरुले स्वत स्फुर्त रुपमा पोशाक खरिद जहाँबाट पनि गर्न सक्छ । पसलको नाम नै दिएर त्यहि बाट ल्याउनुपर्छ भन्नु गलत हो । विद्यालयहरुले गरेको यो कदमले तिलोत्तमा नगरपालिकाको गम्भिर ध्यान गएको छ’ उनले भने ।
