बुटवल । लुम्बिनी प्रदेश सरकारले सार्वजनिक गरेको आर्थिक बर्ष ०८०÷०८१ के बजेट मध्ये सवैभन्दा बढि बजेट भौतिक पूर्वाधार विकास मन्त्रालयले पाएको छ । त्यस्तै सवैभन्दा कम बजेट प्रदेश योजना आयोगले प्राप्त गरेको छ । मन्त्रालयगतमा हेर्ने हो भने कम बजेट आर्थिक मामिला मन्त्रालयले पाएको छ । भौतिक पुर्वधार विकास मन्त्रालयले १३ अर्ब ७७ करोड ८८ लाख ५४ हजार प्राप्त गर्दा सवैभन्दा कम बजेट प्रदेश योजना आयोगले ३ करोड ९२ लाख रुपैयाँ प्राप्त गरेको छ ।
त्यस्तै मन्त्रालय तर्फ कम प्राप्त गरेको आर्थिक मामिला मन्त्रालयले जम्मा १३ करोड रुपैयाँ प्राप्त गरेको छ ।
प्रदेश सभाले ३३ करोड ८८ लाख ३८ हजार प्राप्त गर्दा प्रदेश लोकसेवा आयोगले १० करोड बजेट प्राप्त गरेको छ । मुख्यमन्त्री तथा मन्त्रिपरिषद्को कार्यालयले १ अर्ब ५९ करोड ७७ लाख ७२ हजार प्राप्त गरेको छ । यसैगरी उद्योग, पर्यटन तथा यातायात व्यवस्था मन्त्रालयले १ अर्ब ५२ करोड ९७ लाख ७३ हजार बजेट प्राप्त गरेको छ ।
आन्तरिक मामिला, कानुन तथा सहकारी मन्त्रालयले ६७ करोड ३८ लाख ६५ हजार बजेट प्राप्त गर्दा, बन तथा बातावरण मन्त्रालयले भने २ अर्ब ७ करोड २७ लाख १७ हजार रुपैयाँ बजेट प्राप्त गरेको छ ।
यसैगरी खानेपानी, ग्रामिण तथा सहरी विकास मन्त्रालयले ५ अर्ब ९५ करोड १९ लाख ५२ हजार, सामाजिक विकास मन्त्रालयले २ अर्ब ८८ करोड ७७ लाख ५० हजार, स्वास्थ्य मन्त्रालयले ४ अर्ब ४३ करोड ४४ लाख २ हजार बजेट प्राप्त गरेको छ ।
त्यसैगरी प्रदेश योजना आयोगले ३ करोड ९२ लाख २७ हजार प्राप्त गर्दा अर्थ विविध शिर्षकमा १ अर्ब ३९ करोड ५६ लाख छुट्टाइएको छ । स्थानिय तहलाई ३ अर्ब ५८ करोड ९७ लाख रुपैया बजेट छुट्टाइएको छ ।
