बुटवलमा विशेषज्ञ सेवा दिदै आएको सिद्घबाबा हस्पिटल प्रालिले आफ्नो छैटो वार्षिकोत्सव ३ दिनसम्म विविध कार्यक्रम गरी मनाउने भएको छ । अस्पताल परिसरमा मंगलबार पत्रकार सम्मेलन गरी वार्षिकोत्सवको अवसरमा मधुमेह निःशुल्क परीक्षण, ६ सय रुपैयाँमा थाईराईड जाँच, ल्याब सेवामा १० प्रतिशत छुट, होलबडीमा ३० प्रतिशत छुट दिने हस्पिटलका अध्यक्ष दिपेश प्रधानले बताए । यस क्षेत्रमै दम, छाती तथा श्वासप्रश्वास सम्बन्धी विशेषज्ञ सेवाका कारण पहिचान बनाएको उनले दाबी गरे । यसैगरी मुटु, फोक्सो, मृगौला, दम, युरोसर्जरी, हाडजोर्नी, महिला तथा स्त्रीरोग, नसा तथा बाथ रोग सम्बन्धी विशेषज्ञ सुविधा दिदै आएको उनले बताए । सरकारबाट २४ बेडको मान्यता प्राप्त अस्पतालमा १० वटा आईसियु बेडको सेवा दिंदै आएको उनले बताए ।

कार्यक्रममा अस्पतालका निर्देशक यमन चन्द प्रधानले विशेषज्ञ चिकित्सकीय सेवा न्यून शुल्कमा दिदै आएको बताए । ‘ओपिडि शुल्क २ सय रुपैयाँ रहेको छ’– उनले भने । यसबाहेक सामाजिक उत्तरदायित्वमा समेत अग्रस्थानमा रहेको उनले बताए । यसैगरी ७० वर्षभन्दा माथि, विपन्न, अपाङ्गता भएका बिरामीहरुलाई ओपिडि निःशुल्क सेवा दिदै आएको उनले बताए । समयसापेक्ष अस्पताल साँघुरो भएकाले एक सय बेडको अस्पतालका रुपमा बिस्तार गर्ने लक्ष्य रहेको उनले बताए ।

आधुनिक प्रविधिहरु भित्र्याउँदै सेवा बिस्तारमा जोड दिएको उनले बताए । यसैगरी विस्तारित ओपिडि सेवा सुरु गर्ने लक्ष्य रहेको उनले बताए । कार्यक्रममा अस्पतालका प्रशासन प्रमुख प्रकाश न्यौपाने हालसम्म १ लाख बढी बिरामीहरुलाई सेवा दिन सफल भएको बताए । वार्षिक अस्पतालमा २५ हजार बढी बिरामीहरु उपचार गर्दै आएको उनले दाबी गरे । हस्पिटलमा नेपाल सरकारको मान्यता अनुसार निःशुल्क डायलोसिस सेवा समेत दिदै आएको छ । ‘पाँच वटा मेशिनबाट निरन्तर २० जनालाई दैनिक सेवा दिदै आएका छौ’– उनले भने । अस्पतालले गर्ने डायलासिसको खर्च समयमा सरकारबाट प्राप्त नहुँदा आर्थिक समस्या बढेको उनले बताए । ‘सेवाको रिपोर्ट मासिक पेश गरेपनि भुक्तानीमा समस्या छ ।’– उनले भने । यसपटक कात्तिकबाट सरकारबाट झण्डै एक करोड रुपैयाँ रोकिएको उनले बताए ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

सम्बन्धित समाचार

तिलोत्तमा यूसीएलजी एसिया प्रशान्त क्षेत्रको काउन्सिल सदस्यमा निर्वाचित

गुल्मीमा छोराको कुटपिटबाट बुवाको मृत्यु, आमा गम्भीर घाइते

आज हरि बोधिनी एकादशी, तुलसीको विवाह गरिँदै

रातै भएर बग्याे तिनाउ, यस्ताे छ कारण

आज रातिदेखि वर्षा र हिमपातको सम्भावना, सतर्कता अपनाउन आग्रह

छठ पर्वको मुख्य दिन : अस्ताउँदो सूर्यलाई विधिपूर्वक अर्घ्य दिइँदै