एमाले बाँकेको अध्यक्षमा निरक गुरुङ निर्वाचित गुल्मी इस्माका अग्निपीडितका आवास बनाउन ज्यामी अभाव बुटवलको झोलुङ्गे पुल नजिकै एम्बुलेन्सको ठक्करबाट एक जनाको मृत्यु लुम्बिनी प्रदेश सभाको बैठक आज बहराइच जिल्लामा हुन थालेको चुनावलाई लिएर नेपालगञ्ज नाका बन्द चलचित्र पत्रकार संघ नेपाल, रुपन्देहीले २ वटा पुरस्कार वितरण गर्दै रुपन्देहीमा ६९ हजारभन्दा धेरै बालबालिकालाई पोलियो विरुद्धको खोप लगाइँदै शान्तिपुरमा सञ्चालन गरिएको स्वास्थ्य शिविरमा १७ सयको निःशुल्क उपचार गुल्मीमा बाढीले पुल निर्माणका सामग्रीमा क्षति तराईमा फेरि चल्न थाल्यो तातो हावा                
समाचार :

अन्तरविद्यालय क्रिकेटः लुम्बिनी शिक्षा निकेतन र साइग्लोबल विजयी

 

रुपन्देही सदरमुकाम भैरहवामा जारी स्वर्गीय शेरबहादुर सेन्चुरी मेमोरियल अन्तरविद्यालय स्तरीय टी–२० क्रिकेट प्रतियोगितमा अन्तर्गत बुधबारको खेलमा लुम्बिनी शिक्षा निकेतन, मायादेवी र साइग्लोबल स्कूल, भैरहवा विजयी भएका छन् ।

लुम्बिनीले न्यू होराइजन इङ्गलिस बोर्डिङ स्कूल, बुटवललाई ७१ रन र साइग्लोबलले होराइजन जीबीएस स्कूल, बुटवललाई १ विकेटले पराजित गरेको हो ।

सिद्धार्थ रंगशालामा भएको पहिलो खेलमा टस जितेर ब्याटिङ गरेको लुम्बिनीले निर्धारित खेलमा ३ विकेटको क्षतिमा १ सय ४० रनको योगफल बनायो । जसमा एजाजुल हकले ६१, संदिप बानियाँले २४ र विन्दराम यादवले १४ रन जोडे । बलिङमा न्यू होराइजनका कमरन खाँनले १ विकेट लिए ।

प्रतिउत्तरमा न्यु होराइजन १४.४ ओभरमा अलआउट हुँदै ६९ रनमै समेटियो । उसका लागि राहुल भण्डारीले २१ र रितेश ज्ञवालीले १४ रन बनाए पनि अन्य ब्याट्सम्यानले दोहोरो अंक बटुल्न सकेनन् । उसलाई सस्तैमा रोक्न बलिङमा लुम्बिनीका अब्दुल हविवले ३ तथा सविर आलम, अमन यादव र अब्दुल नदिम शेखले समान २–२ विकेट लिए । लुम्बिनीका एजाजुल हक म्यान अफ द म्याच भइ पाँच सय रुपैयाँबाट पुरस्कृत भए ।

दोस्रो खेलमा होराइजन जीवीएसबाट जितका लागि पाएको ९२ रनको लक्ष्य साइग्लोबलले १५.३ ओभरमा ९ विकेटको क्षतिमा ९३ रन बनाउँदै पूरा गर्यो । उसको जितमा श्यामु पासवानले ४१ र मैत्रुवा रहमानले १३  रनको योगदान दिए । बलिङमा होराइजन जीवीएसका कुशल पौडेल र सुदन कँडेलले ३–३ तथा निखिल पराजुलीले २ विकेट लिए ।

यसअघि टस जितेर ब्याटिङ गरेको होराइजन जीवीएसले निर्धारित खेलमा ८ विकेटको नोक्सानीमा ९२ रनको सामान्य योगफल बनाएको थियो । उसका लागि सुभम खनालले १३ र रोहन गिरीले नटआउट १२ रन बनाए पनि अन्य ब्याट्सम्यानले दोहोरो अंक बटुल्न सकेनन् । बलिङमा साइग्लोबलका ओसामा शेख र श्यामु पासवानले समान ३–३ तथा विकास बरई र गुल्जार खाँनले १–१ विकेट लिए । खेलमा साइग्लोबलका श्यामु पासवान म्यान अफ द म्याच भई पाँच सय रुपैयाँ प्राप्त गरे ।

रुपन्देही क्रिकेट संघको आयोजनामा जारी प्रतियोगिताको बिजेता टिमले नगद ३० र उपबिजेताले १५ हजार रुपैयाँ र ट्रफी प्राप्त गर्नेछन् । यस्तै, म्यान अफ द सिरिजलाई ५ हजार, उत्कृष्ट बलर र ब्याट्सम्यानलाई दुई हजार ५ सय, प्रत्येक खेलको म्यान अफ द म्याचलाई ५ सय रुपैयाँ प्रदान गरिने छ । प्रतियोगिताको अन्तिममा अनुशासित खेल प्रदर्शन गर्ने एक टिमलाई पनि पुरस्कृत गरिने छ । निजी र संस्थागत गरी १३ विद्यालय सहभागी प्रतियोगिता मंसिर २४ गतेसम्म संचालन हुनेछ । प्रतियोगिताको मुख्य प्रायोजकमा पर्वत ज्वेलर्स, भैरहवा छ ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार