बुटवल । नेकपा एमालेका केन्द्रीय सचिव छविलाल बिश्वकर्माले एमाले सरकारमा नगएसम्म जनताका समस्या समाधान नहुने बताएका छन् ।
रुपन्देही क्षेत्र न १ का उम्मेद्धार समेत रहेका बिश्वकर्माले ५ दलीय गठबन्धन सरकार बनेपछि जनताको हित हुने काम नभएको बरु महंगी,बेथति मात्रै बढेको बताए । विगतमा एमालेको सरकारका समयमा भएका विकासका काम गठबन्धन सरकार आएपछि विकास निर्माणका काम अवरुद्ध भएको बताउंदै विकासका लागि एमालेको जित अनिवार्य रहेको बताए ।
रुपन्देही क्षेत्र न १ अन्तरगत ओमसतिया ३ र ५ वडाको घरदैलो कार्यक्रममा उनले आम जनताका समस्या समाधानका लागी एमालेले देशै भरिबाट जित्नु पर्ने बताए । घरदैलो कार्यक्रममा रुपन्देही क्षेत्र नं. १ ख का उम्मेदवार दधिराम न्यौपानेले एमाले सरकारले शुरु गरेका विकाय योजनाहरुलाई पूर्णता दिन एमाले राप्रपा जसपा गठबन्धनलाई जिताउन आग्रह गरे ।
